*طبق متميز*صينية اللزانيا من مطبخي واكيد غير شكل
كل عام وانتو بخير صبايا
اليوم حابة اقدملكم صينية لازانيا بس عنجد غير شكل
اول اشي انا ما بعمل بشاميل ابدا لانه ما بزبط معي
انا بجيب بشاميل جاهز (ماجي) كتير طيب
وسعره طبعا مش غالي بس ضيفيله حليب وحطيه على النار
وحركيه لحد ما يجمد
تاني شي انا لما بعمل لازانيا بستخدم نوعين معكرونة
لازانيا شرائح ومعكرونة اشكال بس بفضل تكون صغيرة
هلأ بنيجي للحشوة اللي هي عبارة عن لحمة مفرومة
انا لاحظت انه البنات ما بضيفو مع اللحمة الا بصلة وصاصة طماطم
انا ببشر جزر وبفرم فلفل اخضر حلو كتير بعطي نكهة
وبحط طبعا بهارات وملح اخر اشي بحب احط زعتر اخضر ورق كتير كتير زاكي
وانتو طبعا عارفين الخطوات
انا بحط اوراق اللزانيا اول طبقة واخر طبقة عشان لما تيجي تقسميها
تطلع قطع متساوية
انا اليوم عملتها بس ما توفرت عندي اللزانيا الورق انا حطيت معكرونة زنبركات وخلطتها بالبشاميل
انشاالله اكون وصلتلكم الفكرة والناس طبعا اذواق وانا بحب اجرب لحتى يعجبني الطعم وبرسي على الطريقة المناسبة
كل عام وكل الشعوب بخير وسلام
هاي صورة الحشوة
وهاي صورة الطبق النهائي
اسفة الصوركتير كبار لاني اول مرة بحمل صور
رد مع الاستدلال
كتبت بواسطة فروحة قلبي
الروابط المفضلة