*طبق متميز*اللحمه المشويه من مطبخ ام ملك بالصور
السلام عليكم ورحمه الله وبركاته
انا كان عندي عزومه النهارده و كانت عزومتي من 3 اصناف
مكرونه بالبشاميل وطريقتها على الرابط التالي
وبيكاتا وطريقتها على الرابط التالي
ودلوقتي مع اللحمه المشويه من مطبخي اتفضلوا معانا
المقادير
2 كيلو لحم انا جبت اللحمه وقطعتها بنفسي علشان اتحكم في حجم القطعه
التتبيله
2كوب زبادي
3ملعقه كبيره صلصه طماطم
5ملعقه كبيره بصل بودره
4 ملعقه كبيره ثوم بودره
2ملعقه كبيره جنزبيل بودره
2ملعقه صغيره كمون
4ملعقه صغيره ملح
2ملعقه صغيره فلفل اسود
8 ملعقه كبيره خل
وعلى فكره دي تتبيلتي المعتمده في شوي اي حاجه بس المقادير بتختلف يعني بزود الخل للحمه علشان الانسجه تطرى شويه وبزود المقادير على حسب الكميات بس المكونات ثابته
الطريقه
اقوم بوضع كل مقادير التتبيله في الكبه وخفقها جيدا
واقوم بتمرير السكين في قطع اللحم يعني اخرمها لتتشرب من التتبيله ثم اخلطها بالتتبيله واضعها في الثلاجه ليله كامله
احضر الشوايه الكهربائيه واضع فيها 2 لتر ماء واضيف اليه شرائح الليمون وقرفه اعواد وقرنفل
اضع عليها شرائح اللحمه
اقلبها على الجانبين حتى اتاكد من سواءها جيدا وتاخذ مابين 20 الى 30 دقيقه حسب سمكها
وده شكلها بعد ما استوت
طبعا ممكن تتاكل كده وياسلام على الريحه لمت علينا الجيران بس احنا بنحبها بالبيبر صوص ومقاديره
(البيبر صوص )
ربع كوب صويا صوص
4 ملاعق كبيره دقيق
ملعقه كبيره سكر
4 ملاعق كبيره فلفل اسود مطحون ناعم جدا
ملعقه زبده
نص ملعقه صغيره ثوم مفروم ناعم
نص ملعقه صغيره بصل مفروم ناعم
كوب ماء
وطريقه اعداده
وبعدين نجيب طاسه تيفال ونحط فيها الزبده والدقيق و نقلب لحد ما يبقى ذهبي وبعدين تضيف السكر والصويا صوص والفلفل الاسود وتقلب لمده دقيقتين وبعدين نحط البصل والثوم وتقلب دقيقتين كمان بتلاحظي ان لون الخليط بقى غامق نضيف كوب الماء ونقلب بسرعه علشان ميكلكعش والافضل بمضرب سلك صغير ونوطي النار ونسيبها لحد ما تبقى بالمنظر ده مع ملاحظه سمك القوام
وبعدين اجيب اللحمه وارصها طبقات وبين كل طبقه وطبقه طبقه بيبر صوص
وتدخل الفرن لمده ربع ساعه على درجه حراره 200 وتقدم
معلش مصورتش الخطوه الاخيره لانهم كانو هياكلوني
يارب تكون عجبتكم
رد مع الاستدلال
الروابط المفضلة