حبيباتي جايبتلكم طبق علمتني اياه بنوتي ام ليث ومو عيب استاذ يتعلم من تلميذه......

هادا الطبق اكلتو بنتي بمطعم وطبقته ببيتها واول زيارة لبيتنا بعد زواجها طبختلنا وعجب اخوانها وعجبني

خلينا نبدا بلطبق وطريقة العمل
ونشوف رايكم فيه ونشوف ام ليث صارت ست بيت بشهادتكم

الطبق عباره عن لازانيا سريعه سهله وذات فائده كبيره جدا لانها تحتوي على كتير من الخضار

وبلا طول حكي نبدا بالمقاديرالكميه تكفي 6 اشخاص)

1-صدرين دجاج مخلي من العظم والجلد مقطعه مكعبات
2- حبه بصل مقعه جوانح
3- 2 سن توم
4- 1 حبه جزر متوسطه,1 حبه كوسا متوسطه, 1 علبه فطر زغيره, قطع بروكلي(حسب الرغبه).
5- البهارات( ملعقه اوريغانو, ملح , فلفل اسود, مكعب الدجاج ماجي)
6- 2 ملعقه كبيره صلصه بندوره(طماطم)
7- نص كاس ماء
8- علبه معكرونه المستطيله او حسب عدد افراد الاسره
مقادير صلصه الباشاميل واكيد الكل بيعرفها بس عندي طريقه سهله وما بتتكتل بالمره

وطيبه كتير مع هاي الاكله لانها مو مبهره

- 4 كاسات ماء
- 4 ملاعق كبيره طحين
-7 ملاعق كبيره حليب مجفف
-ملعقه سمن او زبد كبيره

وهلا نيجي للطريقه:
- اول شي بنحضر الخلطه بنقلي البصل والتوم بقليل من الزبده او زيت الزيتون بس نحاول انو ما يدبل لانو حينطبخ منيح بعدين بنضيف قطع صدور الدجاج بعد غسلو وبس يتغير اللون تبع الدجاج بنبلش نضيف الخضار بس نخلي البروكلي اخر شي عشان ما تروح فايدتو ونضع البهارات والصلصه والماء ما نكتر مي نخليها بس مرقه شوي مو كتير ونخليها تنطبخ على نار هاديه. وهاي الصوره

- نحضر المعكرونه نقوم بسلقها مع ماء وملح وزيت وشويه توم مطحون

- نحضر صلصه الباشاميل

نضع كاسات الماء في الوعاء اللي حنطبخو فيه بعدين نضع الحليب ونحركه بملعقه الخفق ونضع الطحين شوي شوي
واخر شي نضع معلقه السمن ونحرك ونلاحظ انو بمجر ما يغلي بيكون تكثف حسب الكثافه اللي بنحبها. ما صورتها على فرض الكل بيعرف شكلها

- بالاخر نضع المعكرونه بطبق البايركس ونضع فوقه خلطه الخضار ونمزجهم مع بعض ثم الباشاميل ونحركهم ايضا مع بعض تحريك خفيف

ونرش على الوجه جبنه موزيرلاا حسب الرغبه ونضعها بالفرن حتى تغلي قليلا ثم الوجهه للتحمير وهادا الشكل النهائي

وانشالله يا رب تعجبكم مع انو طولت عليكم بس جربوها انشالله تعجبكم

ويلا بدي تشجيع هاي اول مشاركه الي بهاد القسم

يسلموا دياتك وديات ام ليث.

طبق بشهي

ان شاء الله سفرة عامرة

يسلمو ايديكيييييي فعلا هاد الطبق بيعملوه مطعم ناسيه اسمو وبيعملو قدامك وكتيييييييييير بيشههي يسلمو هاالايديننننن

عاشت ايدين بنتك واكيد طالعة ست بيت على امها

ما شاء الله عليكي يا أم مهند يا حبيبتي
لاظانيا رائعة و الأكثر روعة إنها من إيديكي الحلوة
تسلمي و تسلم ايديكي و إيدين الغالية ابنتك ام ليث و يعطيكوا العافية يا رب
و بألف هنا و عافية

تسلمي اختي شافعيه مريم ام علاء المهندسه كلكم زوق

تسلم الايادي وتسلم بنتك اكيد طالعة لامها شطورة

وايديكي حبيبتي ام البنين

الله يعطيكى الف عافية يارب
وتسلمى على الوصفة الجميلة
وتسلم الايادى الجميلةوايادى ابنتك الغالية
والف هنا وعافية على قلوبكم يارب

ما شاء الله تسلم ايديكي وايدين بنتك والله يخليكو لبعض ومشكورييييييين