السلام عليكم يا احلى زهرات فى احلى منتدى انا جايبلكم معايا طبق كشرى جامد جدا وصدقونى طعمة زى بتاع المحلات بالظبط انا عارفة ان المنتدى فية اكتر من وصفة للكشرى وكلهم احلى من بعض بس وصفتى مختلفة شوية مش هأطول عليكم ونخش على الموضوع اعذرونى انى نسيت اصور بعض المكونات بس دى اول مرة اصور وانا بأطبخ
المكونات
كوب رز مصرى مغسول ومنقوع
نص كوب عدس بنى منقوع ومغسول(ابو جبة)
نص كوب مكرونة نسلقها ونصفيها كويس
شعيرية
حمص مسلوق
بصل مقطع حلقات
للصلصة
بصلة - طماطم مقشرة - 2فص توم -ملح فلفل كمون وخل
دقة التوم والخل
توم مهروس - ملح فلفل كمون وخل
الشطة
شطة حمرا طحونة وكمية مية صغيرة




أول حاجة هنحط البصل مع كمية كبيرة من الزيت على النار ونهدى علية لغاية مالونة يبقى اشقر غامق ونطلعة على ورق ماص ونحتفظ بالزيت هتعرفوا لية دلوقتى



دة البصل على النار



ودة بعد ما طلع من النار

واحنا بنحمر البصل نحط العدس فى حلة مع كمية مية برضة كبيرة يعنى حوالى 2 كوب ونسيبة على النار وبعد مايستوى كويس نصفية ونحتفظ بالمية
نتبل العدس بملح وفلفل وكمون وخل










ودى المية بتاعه العدس

نيجى بأة لطبيخ الرز
هناخد جزء من الزيت اللى حمرنا فيةالبصل ونحمر فية الشعرية ونقلب فيها الرز ونضيف مية العدس (كل كوب رز لة كوب ماءعدس) نظبط الملح والفلفل ونسيبة على النار لغاية اما يتشرب المية ونهدى النار لغاية لما يستوى



المكرونة بعد ما سلقنها وصفيناها نضيف عليها شوية من زيت تحمير البصل ونقلبها




بالنسبة للصلصة
نقطع البصل والطماطم ونحطهم مع التوم والملح والفلفل والخل ومعلقة معجون طماطم وشوية مية ونضربهم كلهم فى الخلاط كويس وبعدين نحط باقى زيت البصل على النار ونضيف عليه الخليط ونسيبة يتسبك على النار



الدقة
التوم المدقوق +الملح الفلفل والكمون والخل ونقلب



الشطة
نحط بودرة الشطة مع المية على نار هادية ونسيبها تتركز
ودة شكل الصوص والدقة والشطة




كدة كلة جاهز نجمع الطبق بأة
نجيب الرز ونقلب فية العدس والمكرونة ونحطهم فى طبق التقديم وعلى الوش البصل والحمص (انا ما كانش عندى) والصلصة وشوية من الدقة وشوية شطة حسب الرغبة ويقدم بالعافية

انا طولت عليكم اوى معلش بس انا بحب اشرح بالتفصيل

بسم الله ماشاءالله عليكى
وتسلم الايادى الجميلة
وتسلمى على الوصفة الجميلة الرائعة
والف هنا وعافية على قلوبكم يارب

بسم الله ماشاءالله عليكى
وتسلم الايادى الجميلة
وتسلمى على الوصفة الجميلة الرائعة
والف هنا وعافية على قلوبكم يارب

تسلم ايدك يا قمر

انا برضه بعمله كده بس بضيف الرز مع العدس بعد ما يدخل فى السوى هى هى برضه

ما شاء الله لا قوة إلا بالله
روووووعة
تسلمي حبيبتي

طولتي ايه ده انتي ابدعتي ماشاء الله طبق يجنن انا بموت في الكشري وطريقته تحفة
مستنيين اطباقك التانيه وده هاخده ليا

ما شاء الله .. تبارك الرحمن
طبق كشري روعة و يفتح النفس
تسلمي و تسلم ايديكي حبيبتي و يعطيكي العافية يا رب

ماشاء الله جميلة تسلم ايدك

تسلم الايادييييييييييييييييييييييييييييييييييي رائع

بسم الله ماشاء الله
وصفة حلوة
تسلم الايادي
ننتظر جديدك يا قمر