صباحكم فل وياسمين....

لقيت حالي بديت بتزنيل المواضيع قلت لحالي بكمّل

اليوم 3 اطباق بالبـــاستــا.. وخلينا نبدا بدون مقدمات

نبدأ بالسهل والسريع

تورتيلّيني الجبن والفطر البرّي بالكريمة

على فكرة التورتيّليني ممكن تشتريها ناشفة وبتكون بهالشكل

وممكن تكون بالثلاجة بالسوبرماركت وتكون مش جافة..

وممكن نعملها بالبيت..

بس انا بخلي عندي الجافة عشان الطوارىء ولما كون مكسلة

وعادة تكون حشواتها متعددة وكل واحدة أشهى من التانية ,,, مثلا يلي محشية بعدة أنواع جبن بتكون لذيذة بصوص البندورة

اليوم تورتيلّينتي بحشوة الجبن والفطر

المقادير

كيس تورتيلّيني
كريمة طبخ
ثوم مقطع شرحات رقيقة
ملح وفلفل أسود
ريحان (حبق) طازج
جبن بارميزان
بصلة مقطعة جوانح رقيقة
زيت زيتون

الطريقة

نسلق ثلاث أرباع سلق التورتيلّيني..
في مقلاة نضع شوية زيت زيتون ونقلب البصلة والثوم مع الملح والفلفل ... (انتبهي لا تضيفي ملح زيادة لأن الجبن بالحشوة مالح)

بعدها نضيف الكريمة ولما تبدأ بالغليان نضيف التورتيلّيني وندعها تستوي بالكريمة..

نسكبها ونرش عليها بارميزان (هاد شكل العلبة يلي بجيبها)

ونزيّن بالريحان

ما شاء الله ولا قوة الا بالله

والف صحة

سباغيتي بيشاميل بالخضار والدجاج

المقادير

سباغيتي مسلوقة
ذرة مسلوقة
بازيلا مسلوقة
فطر فريش (انا استعملت البني لأن طعمه مركّز ولذيذ)
دجاج مسلوق ومقطع
جبن موزاريلا

((ممكن تضيفي الخضار يلي بترغبيها)) وممكن تعمليها بس بالخضار...

صوص بيشاميل بالجبن

بشاميل لبنان خفيف وغير شكل كنت حطله زيت بدل الزبدة بس هلق ما بضيف شي وببدأ بالعكس ..
يعني الوصفة العادية بيحطوا الزبدة والطحين بعدين الحليب..
انا بالعكس ببدأ بالحليب والطحين وبستغني على الزبدة

(دقيق ، حليب ، مرق الدجاج يلي سلقنا به الدجاجة،جبنة موزاريلا لأنها خفيفة بس ممكن أي جبنة مبشورة صفراء يلي بتذوب،
رشة جوزة الطيب، ملح ، فلفل ابيض، صفار بيضة)

لاحظوا ما استعملت لا زبدة ولا زيت

الطريقة

نضع السباغيتي المسلوقة بصينية الفرن ونخلطها مع الخضار والدجاج

نحضر البشاميل

نضع الحليب والمرق باردين بالطنجرة (الكمية حسب الصينية وكبرها ) نضيف لكل ليتر تقريبا ملعقة ونص طحين ونرفعها على النار ونضربها بالسلك ..
ونستمر بالتحريك ونضيف شوية ملح والفلفل وجوزة الطيب .. لما تسخن وقريبة لدرجة الغليان نفصل الصفار عن البيضة ونخفقه
ثم نضيفه للبيشاميل مع التحريك السريع كي لا تتكتل البيضة، نضيف كمية من جبن الموزاريلا (نصف كوب تقريبا) ونحركهم وندعهم يغلوا شي 3 الى 5 دقائق..

بالنهاية اذا الصوص خفيفة ذوبي شوية طحين بماء أو حليب بارد وضيفيها على الصوص واذا ثقيلة الصوص ضيفي شوية حليب عليها ..

لا تنسي انو الجبن وصفار البيضة بيثقّلها كمان..

نسكب الصوص فوق السباغيتي ونقلبهم جيدا ثم نضيف شوية موزاريلا على الوجه

نخبزها بالفرن وبالآخر منحمّر الوجه وألف صحة

ما شاء الله ولا قوة الا بالله

ممممممم.. الوجه كريسبي ولذيذ كتير

الطبق الأخير ان شاء الله

لازانيا باللحمة المعصجة بالبندورة

المقادير

لازانيا (في نوع ما بده سلق بل يستخدم ناشف)
صوص بيشاميل (( حليب، دقيق ، فلفل ابيض ، ملح )) ممكن تخلطي الحليب مع مرق دجاج اذا عندك..

لحمة مفرومة نقلبها بشوية زيت ونضيف قرفة وفلفل اسود وملح وبندورة مهروسة وشوية صلصة البندورة ونتركها تغلي مع بعض 10 دقائق..

جبنة موزاريلا

الطريقة

في صينية الفرن نضع طبقة بيشاميل وفوقها لازانيا بهالشكل

نرجع طبقة بيشاميل ثم خليط اللحم ثم لازانيا وهكذا ليصير عندنا 3 طبقات لازانيا
وآخر طبقة بعد اللحمة حطي بيشاميل وجبنة موزاريلا

اخبزيها زحمريها والف هنا يا رب

ما شاء الله ولا قوة الا بالله

هاي لصبايا الدردشة

وهاي لكل الصبايا

ولا تنسوني انا وأهل بيتي من دعواتكم الحلوة

بامان الله

هاي لصبايا الدردشة

ابدااااااااااااااااااااااااااااااااااااع يا لولو
انا اخدت حصه صبايا الدردشه هههههههه
بس ما رح اكل كل الصينيه
بتركلهم قطعه قطعتين

تسلم الايادي
كله بيشهي و منظره عن جد بيفتح النفس

التورتيليني ما جربتها بالبيت و لا مره
شجعتيني اعملها فريبا
تسلم ايديكي يا رب
و الله يباركلك في اهل بيتك و يعطيكي كل ما تتمني و زياده

امممممممممممممممممممممم باستا
باستا باستا......................... يا سلام يا لبنان

راااااااااااااااااااااااااااائعة و مميزة كالعادة حبيبتي

تسلم يديك على الاطباق اللي تفتح النفس

ماشاءالله على الروائع
كل طبق احلى واجمل من التانى
تسلم الايادى الجميله يا قمرنا

تسلم الايادي والله الاطباق روعة

تسلم الايادى لولو على الاطباق الشهيه
وريتها ألف صحه وهنا ياقمر
كل طبق أجمل من التانى

تسلم ايديك أكلات سهله بس بتشهي
كل طبق أحلى من التاني

ماشاء الله
تسلم الايادي
وبالف هنا وشفا
ويارب يحميكم ويبارك فيكم

بسم الله ماشاءالله عليكى
وتسلم الايادى الجميلة على الوصفات الرائعة
وبالهنا والعافية على قلوبكم يارب

ايه تسلملي الايااادي حبيبتي
روووعه
التورتيليني جبتها مره على البيت
وتخيلي الكيس .. انا كنت اعمله وآآكله لحالي
ما حبوه عندي .. او يمكن جوزي كان يجبر بخاطري وياكل معي شوي
بس اولادي ما قربوووله .. زعلت .. لانه طعمه كتير طيب

وما كنت اقدر الاقيه في ابوظبي ها ... لقيته هون في دبي مول
ولما جبته انا ادبست فيه خخخخخخخخخ

يعطيك الف عافيه يا قمر