النهاردة جايبة لكم اكلة جميلة جدا
ولكن ملابسات الموضوع مختلفة
لاني مش انا اللي دخلت المطبخ كالعادة وعملت الاكل
النهاردة اللي دخل المطبخ وظبط لنا اكلة جميلة هو
زوجي العزيز
قولو ما شاء الله
لانة نااااااااااااااااااااادرا وقلما لما بيعمل الحكاية دي
ومش بيدخل عشان اي حاجة لا بيدخل علي الاكلة اللي علي كيفة
كفاية رغي وهقول لكم زوجي عملنا اية النهاردة
عمل صينية لحمة ضاني بالبصل والفلفل والتوابل بس تحفة
هو طبعا اتعلمها مني وكانت لية اضافات فعلا خليتها اكثر من راااااائعة
يالا بسم الله
مقدار اللحم الضاني مثلا كيلو
2 بصلة كبيرة متقطعة شرايح
5 قرون فلفل حاااااامي جدا او علي حسب الرغبة
طماطماية منزوعة الجلد
وتوابل عبارة عن
ملح وفلفل وبهارات لحمة وقرفة وجنزبيل
واضافات زوجي القرنفل والسماق
فعلا اكسبوها طعم اكثر من رااااااائع
اعذروني مصورتش التفاصيل
الطريقة
نقطع البصل والفلفل والطماطم ونضع عليهم البهارات كاملة ونفرك البصل مع كل المحتويات وبعدين نضع اللحمة ونسيبها تتبل تقريبا ساعة او اكثر علي حسب الوقت
وبعدها توضع علي نار هادية وزودها شوية ميا وسابها علي النار لحد مااستوت
وممكن توضع في الفرن تاخد لون وممكن لا
احنا محطنهاش في الفرن
واليكم الصور
دي اللحمة وعليها البصل والتوابل وتوضع حتي تتشرب من التوابل والبصل
ودي اول مااتشربت المية ودخلت علي النضج
ودي صورة للتعذيب ههههههه
ودي اخر صورة اتقدمت مع شيبسي وسلطة خضراء وخبز
وطبعا مش هقول لكم علي الطعم وطبعا مش هجامل زوجي لاني اكلي طبعا احلي من اكلة
يالا ياشطورات دخلو ازواجكم المطبخ وخلوهم يورينا شطارتهم
عشان لما تبقو تعبانبن ميقولوش ملناش في الطبخ خدي عليهم دليل لوقت عوزة هههههههههه
بالف هنا اتمني ان ينال موضوعي اعجابكم
وتنال طبخة زوجي رضاكم
الروابط المفضلة