صباح الخيرات على الجميلات
وجمعه مباركه ان شاء الله
((((((( المنديييييييييل)))))))

ده مش اغنيه
ده اسم غشاء خارجى لمعدة الخروف او العجل اللبانى

وبيتقدم مع المشويات زى المكس جريل او الكباب وعند الطلب بطلب

((الطرب))

وبعد التنظيف الجيد
يقطع مربعات صغيره

ويوضع بها حشوة اللحمه المفرومه
وحقولكم على طريقتى فى الحشوه
والف المنديل زى محشى الكرنب بالظبط

وبعدين شويته فى الفرن على الرف السيور
وانا سيبته فى التلاجه قبل الطبخ يومين لظروف
وكنت خايفه اطبخه لطعمه يغير
والعكس هو اللى حصل
كان طعمه لا يوصف واللحمه المفرومه كانت لوحدها كباب

وقدمتها مع طبق السلطه بتاعى المميز

وهو عباره عن اى نوع خضار عندك وانا بحب عليه البصل الاخضر ةقرن شطه
وبعد التتبيله قطع جبنه بيضه قديمه او اسكندرانى بالفلفل الاخضر

حنتكلم دلوقتى على حشوتى للطرب
وهى هى خلطة الكفته بتاعتى

1 لحمه مفرومه
بصله كبيره مفرومه
1/2 رغيف لبابه العيش الفينو
ملح وفلفل وبهارات لحمه

الطريقه
بخلط اللحمه وبقية المكونات
والعيش كان مجمد فطلعته وقشرة الطبقه الخارجيه بمقشرة البطاطس
وبليت اللبابه وقلبتها مع اللحمه
وتركتها ربع ساعه وحشيت بها المنديل

والباقى صبعتها على عصايه طويله علشان مخرومه من النص
ورصصتها فى صينيه وقطعت عليها قطع زبده

وحطيتها على النار
ولما الكفته نزلت ميتها وقبل ماتنشف عصرت ليمونه كبيره وكملت سويها وشويتها وكده بقت تمام

ملحوظه عصير الليمونه لازم تحطيها بعد الكفته ما تنزل مايتها
لانك لو حطيتيه قبل الكفته حتسيب من بعضها

برنسس يا عيني على هالبقره والله عملت عمايلها فينا
الله يسلم دياتك يا رب هو النظر مغري جدا ً بعد الشي بس قبل الشي انا بحكي يا الله شو بتسمن ولا غلطانه انا
بس شو والله المنظر تحفه على الاكيد والطعم اكيد رائع بس المهم ما يسمن

كتبت بواسطة تغريد2007

برنسس يا عيني على هالبقره والله عملت عمايلها فينا
الله يسلم دياتك يا رب هو النظر مغري جدا ً بعد الشي بس قبل الشي انا بحكي يا الله شو بتسمن ولا غلطانه انا
بس شو والله المنظر تحفه على الاكيد والطعم اكيد رائع بس المهم ما يسمن

ام انس انت تقدرى تكتشفى موضوع التسمين بنفسك
شوفيها وهى نايه وبعدين بعد ما استوت
بقت قد القلم
والله يا ام انس لولا منتدايا الغالى
وبناته الغاليين ماكنت اتخيل ادخل الانواع ده بيتى ابدا
بالرغم من انى بطافس على بعض منها ولازم ادوق
لكن كله يهوووووووووووووووووون لاحلى عيووووووووووووووووووون
ههههههههههههههه

انت الغاليه والله يا برنسس علينا كلنا حبيبتي
انا قصدت التسمين من المنديل مش من الحشوه حبيبتي حاسسها شحوم ولا -لاء
انا خايفه المنديل بتسحسح من الشي ومتخيل الطعم يا وردي شكله رائع

يسلموا ايديكي برنسس شكلها بتشهي واكيد ريحه الشوا بعد ما تذوب المنديل شئ فاخر انا بحكي عن جد ما بمزح رائعه كتير يسلموا ايديكي

كتبت بواسطة تغريد2007

انت الغاليه والله يا برنسس علينا كلنا حبيبتي
انا قصدت التسمين من المنديل مش من الحشوه حبيبتي حاسسها شحوم ولا -لاء
انا خايفه المنديل بتسحسح من الشي ومتخيل الطعم يا وردي شكله رائع

ده صحيج يا ام انس سمين جدا
يعنى اللى عنده كوليسترول يسلملى عليه

تسلم ايدك برنسس شوية طرب روووووعة وشكلهم يفتح النفس واهم شي يتاكل معاهم سلطة وورقيات عشان بتساعد على تخليص الجسم من الدهون زي ماعملتي الف صحة وهنا يارب

كتبت بواسطة نانا الاموره

يسلموا ايديكي برنسس شكلها بتشهي واكيد ريحه الشوا بعد ما تذوب المنديل شئ فاخر انا بحكي عن جد ما بمزح رائعه كتير يسلموا ايديكي

ميرسى نانا
تسلميلى على ذوقك

تسلم ايدك ياقمر
شكله تحفه
انا اول مره اعرفه كان في برنامج عبسيات
وحسيت انه لذيذ جدا وبيدي دسامه ونكهة مميزة للكباب

ماشاء الله عليك يا قمر
وصفة جديدة وحلوة