*موضوع متميز*البط وصل من مطبخ رضوى
حبيباتي انا مبسوطة ان انا اخيرا هنزل الموضوع ده انا اصلا عملته في عزومة في اخر رمضان بس للاسف معرفتش اصور العزومة كلها ادام الناس وانشغلت في العيد على ما قدرت الاقي وقت وانزلها بس كنت مصرة اصور على قد ما اقدر طريقتي في البط لاني كنت مشغولة اوي في العزومة واستفدت اوي من طريقة نور الهدى حبيبة قلبي طبعا وغلبت ماما ام شادي الغالية وتعبتها معايا من كتر الاسئلة وانا بختار المنيو ربنا يبارك فيهم وميحرمنيش منهم ولا من نصايحهم الغالية بس على قد ما كنت خايفة لاني اول مرة اعمل البط وكنت بفكر اسلق والا اسوي في الفرن الا ان النتيجة كانت تستحق القلق ده من كتر ما عجب الناس الحمد لله.
البط طبعا بيتنظف كويس وادعكه كويس بالدقيق والملح وانقعه في الماء بالخل شوية وبجهز بصل وفصين ثوم وافرمهم كويس وادعكهم بملح وفلفل وزعتر وسماء وليمون وقليل من الخل وملعقة صويا صوص وبودرة بصل واتبل البط كويس بالخليط من تحت الجلد وفوقه كويس وادخله الثلاجة طوال الليل، وده شكل التتبيله.
وده البط في التتبيله:
اليوم التالي اغسل الارز المصري وابشر بصلة وتدعك بملح وفلفل واقلبها على الارز مع قليل من القرفة والكركم والكاري واقصد بقليل مجرد ذرة صغيرة وفي حلة تيفال اضع سمن بلدي حسب كمية الارز المستخدمة ليسيح ثم اضيف خليط الارز بالبصل والبهارات الاخرى واقلب حتي يبدا الارز يخشخش ثم اضيف الماء على نفس مستوى الارز واضيف الملح واسويه نصف سوا، وده الارز اول ما حطيته على النار:
وده بعد ما استوى نصف سوا للحشو:
نخرج البط من الثلاجة ويحشى من الاسفل بالارز ونسلقه في ماء مغلي مع نزع الريم جيدا واضافة المستكه والحبهان وورق اللورا والفلفل الاسود وعندما يقترب من النضج اضيف الملح ثم انشله بعد النضج التام
نتركه يهدا قليلا واحضر ملعقتين معجون طماطم واضيف قليل من الملح والفلفل وعصير نص ليمونة وادعك البط بها واحمره في سمن نباتي او سمن نباتي مخلوط بزيت للقي وننشله على ورق المطبخ ونتركه قليلا ليهدا.
ثم اقطعه بهذا الشكل وازينه بشرائح الجزر وورق البقونس كده وده بيكون شكله وبالهنا والشفا يا رب يعجبكم...
كان نفسي اصور بقية الاصناف والسفرة بس الناس جت بدري ومش عرفت اصور السفرة خالص بس على السريع صورت اللازانيا وده شكلها
وده الرابط بتاعي للازانيا نزلته قبل كده بس الصور عاوزة تتحمل تاني ومش عارفه اعدلها بروابط جديدة ويا ريت حد يساعدني اعيد ادخال روابط الصور تاني ازاي عشان مش عارفة اعدلها
http://www.lakii.com/vb/showthread.php?t=495213
وده شكل الرقاق باللحم المفروم صورته بسرعة
وده مخلل الطماطم بالثوم والبقدونس والملح والكمون والفلفل الاسمر
واوعدكم المرة الجاية اصور كل الاصناف والسفرة وكل سنة وانتم طيبين
رد مع الاستدلال
كتبت بواسطة roza1
الروابط المفضلة