انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

**wbaby** · 08-08-2009, 10:46 AM

السلام عليكم ورحمه الله

كيفكم جميعا يارب تكونوا فاتم صحه
النهارده انا كنت بحضر انزل الطبق ده
كمشاركه فموضوع اسرار الطبخ

لكن لما شفت موضوع الغاليه ام شادي
قلت ابدا ميغلااااااش عليها

النهارده معايا صنية البطاطس بالفراخ
هقلكم انا شفت كذا حد بيعملها ازاي
اذا لحمه بتتسلق او لوالفراخ بتتحط زي ماهيه مع البطاطس والبهارات والشوربه والصلصه والبصل
وعالفرن
انا بصراحه كده بحس انه ناقصها حاجه
هقلكم طريقتي واتمنى تعجبكم
المقادير
حسب عدد الافراد
فراخ مغسوله ومتقطعه
بطاطس متقطعه مكعبات
ملح وفلفل اسود وبهارات فراخ
عصير بصل
صلصه طماطم
شوربه لو عندك او ماء
زيت للتشويح
بجيب الفراخ واقطعها 8 واتبلها بجزءمن البهارات وعصير البصل
واشوحها فطاسه لغايه متاخد لون
اهم حاجه
انها تنزل فطاسه سخنه علشان المسام تقفل علطول
وبعد منشوحها نشيلها فصنيه الفرن او الطبق البايركس
نكون محضرين البطاطس ومتبلينها بنفس البهارات وعصير البصل
وانزلها فنفس الطاسه وهيه سخنه واشوحها لغايه متاخد لون وتاخد كل السوائل الي سابتها الفراخ
كده بنقفل مسامها برده وبتاخد طعم حلو متبقاش عامله زي المسلوقه
ومتتهريش فالطبق
بعدين نشيلها نحطها عالفراخ
وفنفس الطاسه برده نغلي الشوربه او الميه
انا بستخدم ميه وبحط معاها
ماجي بس بيتي
لما بشوي الفراخ بجمع السوائل الي نازله منها واشيلها فالفريزر
واستفيد منها فطبق زي ده
احط عليها الطماطم المعصورة او صلصه ببقى عاملاها فالبيت واسيبها تغلي شويه اولا هتاخد كل الي فاضل من البطاطس والفراخ كمان تتسبك شويه لان الفراخ والبطاطس نص سوا تقريبا
بعدين احطها عالفراخ وادخلهم الفرن واما تستوي احمر الوش
دلوقتي الصور

اتمنى ينال اعجابكم
ملحوظه بس
لو هنعملها على لحمه هنتبع نفس الطريقه
بس بعد منشوح البطاطس نشيلها ونرجع اللحمه مع الميه لغايه متستوي تلات ارباع سوا بعدين نحط الصلصه ونحطهم عالبطاطس وندخلها الفرن لان اللحمه بتاخد وقت اكتر فالسوا

ولاتنسوا اولادي من الدعااااء

**noorelhoda** · 08-08-2009, 11:10 AM

ماشاء الله با قمر
كتبر روعه وطربقتك جدبده بصراحه
بس شكلها بفتح النفس
تسلمى بارب على افكارك وبالف هنا وشفا

**أم شادى** · 08-08-2009, 11:53 AM

بسم الله ما شاء الله ولا قوه الا بالله
مشاركه رائعه من ايدى اروع
تسلم اديكى و عنيكى حبيبتى و تتحرم على النار
صنيه بطاطس شهيه و تفتح النفس بالف هنا و شفا
متحرمش منك يا غاليه و من مشاركتك الجميله مثله
الف الف شكر يا غاليه جزاكى الله خيرا