*طبق متميز*دجاج محشي ومحمر مع الخضار بالفرن يستاهل التجربة ;)
[/cen
ter]
والله وزمان الغيبه عن تنزيل المواضيع والمأكولاتياميييييييييييييي
ولهيك اليوم محضرتلكم أكلهان شالله تعجبكم
و يلا ندخل في بطن الموضوع
دجاج محشي مع خضار بالفرن
المقادير:
كياس الحراريه الخاصه للشوي
3 دجاج صغير (طبعا اللي بدك اياه هاي مقادير أكلتي)
التتبيله :
2 بصلة كبار
3 سنون تومه كبيره
صوص صويا تقريبا ربع ماج
خل تقريا ربع ماج
ملح , فلفل أسمر , بهار مشكل شو ما تحبو أنا حطيت تشكيله من (جنزبيل ,جوزه الطيب , قرفه , بهار هلو , كاري )طبعا بمقادير قليله من كل نوع نصف ملعقه صغيره
سماق 4 ملاعق كبار
عصير ليمونه
الحشوة :
3 بصله كبيره
سماق 4 ملاعق كبار
زيت زيتون 7 ملاعق كبار
ملح وفلفل اسمر
باقي المقادير لوصفتنا:
4 بطاطا وسط
4 جزر كبار
1 فلفل رومي كبيره
واذا بدكم اضيفوا خضار تاني ممكن هاي اختياري
مكعب ماجي
2 ملعقه كبيره صلصه
ملعقه كبيره صوص صويا
ويلا نبلش بالطريقه شمروا عن دياتكم
الطريقة :
بعد غسل الدجاج نقوم بتشريحه لغرض التتبيل
بنقطع البصل شرائح ونفركه بالسماق والخل وبعدين بنحط التومه المفرومه والفلفل الاسمر والملح والبهار وصوص الصويا وعصير اللمون
نتبل الدجاج جيداااااااااااا من الخارج وداخل الشقوق وداخل الدجاجه وبنحطهم في التلاجه فتره اقل شي ساعه وكل ما طولت التتبيلة كانت أطيب
هلا بنحضر الحشوة بتشريح البصل شرائح وفركه بالسماق وزيت الزتون والملح ونقوم بحشي الدجاج بخليط البصل ونضع فيه كمان من خليط التتبيل نضع الدجاجه في كيس المخصص
بنحضر الخضار بقطع البطاطا مكعبات عريضه والجزر دوائر عريضه والفلفل الرومي مكعبات كبيره ونخلطهم بالملح وفلفل الاسمر وقليل من البهار ومكعب ماجي والصلصه وقليل من الصويا ملعقه كبيره
نضع الخضار بجانب الدجاج داخل الكيس وممكن وضع فلفل حار للي يحبي الحار
وباقي الخليط من التتبيله أنا وزعتو في الكياس على الدجاج والخضار وطبعابتسكوا الكياس زي ما بكون مذكور في تعليمات الباكيت
يوضع في الفرن لمده ساعه وممكن ياخد زياده ربع ساعه على حسب كبر الدجاج وعلى درجه حراره 180د ويوضع في الرف اللي بنعمل عليه الكيك الوسطوتفضلوا صحتين وعافيه
ممكن نقدم معاه رز مفلفل أبيض
أنا عملت رز بالذرة والزبيب
وصحتين وهنا
[center]
رد مع الاستدلال
[
كتبت بواسطة فسفوريه
والصبايا ماقصروا مشكورين لتصغير الصور ولا يهمك ياقمر المره الجاي بنتبه لحجم الصور 
الروابط المفضلة