السلام عليكم ورحمه الله وبركاته

الى كل احبائى فى الله ....عندى مشكلة وحلها موجود بس مش عارفة ارتب افكارى ...محتاجة من اهل الخبرة اللى زيكم يفيدونى ويقولوى اعمل اية


انا متزوجة قريبا من حوالى شهرين تقريبا ...كنت متابعه المنتدى من قبل الزواج ونفذت منه وصفات جميلة جدا

الحمد لله انا بحب المطبخ جدا وبحب ابدعاته مش بزهق منه يعنى وبعرف اعمل اكل الحمد لله بس بحس ان اكلى مش شهى ومش متنووع ودايما بتكرر

وحاسة ان دة بيضايق زوجى
ماشاء الله فى المنتدى وصفات كتير وطرق تقديم حلوة ....مشكلتى بتتلخص فى
"لو انا عايزة اتعلم الوصفات دية واطبقها وازيد من مستوايا فى المطبخ ابدأ منين
ولا اعمل اية ....عايزة اتعلم وحاسة ان الوصفات كتير "

يارب حد يفيدنى منكم ويساعدنى انى اقدر انوع فى اكلى واوفر وارضى ربنا وزوجى

عايزة اسلم على ام شادى ونور الهدى وماما الاء وروينا اللى محدش بقى بيشوفها
وشخبط شخابيط ولبنان وحبابيه....انا متابعه ليكم حاجات وبطبقها بس دية اول مرة اكتب فى المنتدى
نفسى اتفاعل معاكم ......نفسى اعرف اعمل اكل شهى ورييحتة تبقى حلوة

ساعدونى الله يكرمكم رمضان قرب والعزومات انتوا عارفين بقى هايبقى اول رمضان وانا متزوجة

هانتظر ردودكم ...اختكم فى الله ملك

بصي ياقمر
اولا الف مبروك وربنا يجعله بيت الهنا والسعاده
شوفي جوزك ميال لاي صنف من الاكل وابداي دوري على وصفات موثوقه وطبقيها
بمعني بيحب المحاشي ولا المشويات
ولا الطبيخ العادي
وممكن تعملي يوم نواشف وكل يوم صنف جديد
يعني يوم محشي تاني يوم حاجه مشويه خفيفه
بعدها مثلا ممكن معجنات بيتزا وخلافه متنسيش السلطات لازم يكون في صنف سلطه قدميه بطريقه حلوة
خلي في سمك فوسط الايام كده
وطبعا الركن في عملقه ام شادي ونور الهدى وشخبوطه وام المجد ولونلي وبرنسس لك ووعود وتغريد وماما الاء والله في اسماء كتير محتاره اكتب مين وسامحوني لو نسيت حد

ومتنسيش الحلو ومش لازم حاجه تقيله في اصناف خفيفه وجميله
رتبي السفرة وزوقيها هتحسي بالتغيير واي استفسار انا بالخدمه

غاليتي أطلعي على هذا الرابط بأذن الله سيفيدكِ

http://www.lakii.com/vb/showthread.php?t=266162

وأهم شئ يالغاليه الثقه بالنفس ومع التعود على الطبخ تكتسبي معرفه بالطهي أكثر

وتكتشفي أسراره والله يوفقكِ عزيزتي وبأذن الله الأخوات العضوات سيفدنكِ أيضاً بتجاربهن أكثر

الله يبارك فيكى ...الحقيقة مشكلتى مع زوجى ان والدته محترفة مطبخ ومعجنات وحلويات ومش بتشترى اى حاجة من برة دايما بتعمتد على نفسها والبيت
وليها اكلات غريبة هو بيحبها وانا لسة مش بعرف اعملها اتعلمت منها بعض الحاجات
بس نفسى اعمل حاجة منى انا مش تقليد لوالدته ...فاهمنى

انا بعمل سلطة كل يوم وبعمل مخلالات فى البيت ...بس الاكل الرئيسى ضعيفة فى ابتكاراته
شكرا على اهتمامك وردك ...وان شاء الله هاسمع كلامك

حنان........شكرا جدا على اللينك دة فية حاجات كتير اوى ...هاتابع خطواته

اللى اقصدة انى عايزة حد يمسكنى من ايدى ويقولى تعالى هانعمل كذا النهاردة وانا اطبق تانى يوم لحد ماابقى كويسة ...جزاكى الله خير على اهتمامك

غاليتي تابعي معنا سيكون هناك موضوع سيطرح توضع أطباق والمطلوب من العضوات التطبيق وأي مساعده حاضرين لكِ يالغاليه

جزاكى الله خير على اهتمامك ياحنان وان شاء الله متابعه معاكم ....هاخلص شوية شغل واجى

اختي الغالية الله بوفقك يارب بس انا حابة اقول حاجة ان الانسان لالالازم يتق في نفسه وماتقارنيش حالك بحد انت ممكن شاطرة في شي وتلاقي غيرك مش شاطر فيه يعني انت تعلمي من الاكلات والتنسيق خليه ما يتناسب مع زوجك وانت

وما شاء الله كللللللللللل البنات شاطرات ومتميزات ما شاء الله وانا متاكدة بس تابعي

والتجربة خير برهان جربي في مقدار بسييييط واعملي طبق رئيسي اخر وقدميه لو عجب زوجك رح تستمري فيها تاني ولو ماعجبه يبقى عنده شن ياكل الطبق الاخر واعملي على الوصفة علالالالالالالالالالالالامة اكس هههههه وماعادش اتكررررريها

فهمتيني جربي مافيش احلى من التجربة وما شاء الله تقدري تسالي والكل يفيدك


ولو حابة اي استارة انا في الخدمة
تحياتي لك

شكرا ليكى نانا وان شاء الله هابدا اطبق اللى اقدر عليه واختبر المذاق .....ربنا يخليكى ليا

اهلا ببكى اختى الكربمه
شكرا على ثقتك بمنتدانا وعضوات منتدانا كلهم ماشاء الله بدون استثناء مبدعات
حقولك نصبحه بجب ان تضعبها فى الحسبان وده اللى خلانى بعشق المطبخ وابدع فبه
اباك والمقارنه
لا تقارنى نفسك بحماتك او تقولى هى بروفشنال وانا بادوب بعرف اعمل
التطلع حلو مش وحش والسعى للتعلم شئ جمبل بس المقارنه بتقلل الهمه والعزبمه
فلازم تعرفى ان لكل انسان قدراته ومهاراته وماتك مش من بوم ولبله بقت كده برده كانت عادبه واتعلمت خطوه بخطوه كلنا كده
المهم الاصرار والثقه بالنفس
انا حقوم احضر الغدا الان
ولى عوده وكلام كتبر معاكى ان شاء الله خلاص

انا مبسوطة جدا انك رديتى عليا متتخيليش اد اية ....واتمنى انك تقبلى انى اكون تلميذتك ...بجد والله وان شاء الله هانتظر اسمع كلامك كله
اختك فى الله او اختك الصغيرة ملك
انا معنديش نت فى البيت هاجى الشغل يوم الاحد ان شاء الله بكرة اجازة فى الشغل
وبكرر انى مبسوطة جدا انك رديتى عليا...السلام عليكم