السلام عليكم عباد الله الصالحين
من بعض ما عندكم
من لها علم بفتت المقدوس .جربتها مره بمطعم بتجنن الحقوني با لطريقه

وعليكم السلام ام عمران
اليك طريقة الفته بس هيك بيصير لي عندك زبدية شيشبرك وصحن فته
المقادير
باذنجان صغير محفور ويقلى بالسمنه بعد الحفر
لحمة خروف مفرومه ومقليه
يحشى الباذنجان باللحمه ثم تجهز الصلصه كالآتي
بصله جناحات تقلى بشوية سمن اضيفي الماء ورب البندوره وحمضيه بدبس الرمان او التمر هندي واذا ماتوفر ايهما بالليمون حتى تغلي ثم سقطي الباذنجان المحشي في الصلصه وخليها حتى تستوي كمية الماء في الصلصه تكون كافيه لكي تغمر الباذنجان
التطبيق
في طبق التقديم يوضع الخبز المقطع والمقلي(المقلي اطيب بس انا بطنش احيانا وبحط الخبز دون قلي)
اسقي الخبز بالصلصه اللي طبختي بها الباذنجان
غطي الخبز المقلي بطبقه من خليط اللبن وهو لبن+ ثوم مدقوق+طحينه +ملح +ليمون تمزج مع بعضعا ويغطى بها الخبز
ضعي الباذنجان فوق البن وزيني الطبق برشه بابريكا او فلفل احمر حلو وبقدونس اخضر مفروم وصنوبر مقلي
اخيرا احمي كام ملعقة سمنه على النار حتى تقدح (مجرد ما تبدأ تدخن) وطشيها على الوش .وبالهناء والشفاء: D

تسلم على هل وصفه شو بتشهي
اكيد رح اجربها

اما انتي بطلي طنشي عن قلي الخبز حرام الولاد او ابوهم بيستاهلو كل خير

تفضلي وهي ايضا

http://lakii.com/vb/showthread.php?s...D0%E4%CC%C7%E4

مرحبا ام عمران واستريللاس
تذكرت نقطه لما قريت طريقتك استريللاس..انا في فرنسا وهنا لا اجد الباذنجان الصغير الا في الناااادر جداويمكن الأمر نفسه في لجيرانا في اسبانيا وكندا لذلك انا اقطع الباذنجان الكبير في هذه الحاله مكعبات واقليه وبستخدم لحمه خروف شقف وبسلقها وبعمل الصلصه بمرقتها متل الطريقة سابقة الذكر وبسقط الباذنجان المقلي في الصلصه حتى تستوي والتطبيق يكون متل ما ذكرتلك سابقا يعني خبز مقلي ومسقي الصلصه وبعدين خلطة اللبن وبعدين قطع اللحم والباذنجان وآخر شي طشة السمنه .صحيح مو عالأصول بس طيبه كمان وبتغني .
اما عن انو الجماعه عندي بيستاهلوا قلي خبز فهم بيستاهلوا بس بقى الميزان والكوليسترول ..عملت حل وسط لما نكون لحالنا بخفف بقدر الإمكان (بالرغم من اعتراضات زوجي) ولما يكون في ضيوف بساوي عالأصول..الحمد لله الجميع عندي وزن الريشه ولكن من باب الوقايه خير من العلاج..