سللللللللام مربع لاغلى الصبايا
وسللللللام مربع أوس 2 للالى لافندر وموضوع السمك المميز

واتمنى قبول مشاركتى نبدأ

اولا السمك الوقار الصياديه

المكونات

11/2 سمك وقار

4 بصله كبيره مبشوره
1 طماطم معصوره
ملح وفلفل
زيت غزير
3 كوب رز مغسول

الطريقه

احمر البصل فى الزيت

الى ان يصل لونه الى اللون الدهبى الغامق

واصفيه سريعا لان البصل له رده يعنى بيستوى زياده فى فتره التصفيه

وبعد كده اضعها فى الخلاط بشويه مايه صغيرين علشان اضربها

واجيب الماء اللى حسلق فيها السمك واغليها وبعد الغلى اضع عصير الطماطم وملح وفلفل وتغلى غلوه واحده وسبب وضعى للطماطم علشان تحد من مرارة البصل

واضع نص البصل المضروب واقلبها وبعد كده حطيت السمك 10 د الى ان استوى

غالبا احنا بنحب فى الصياديه الراس والجزله التانيه للراس والديل

والباقى بيتقلى بعد ما بتبله بملح وفلفل

لكن التكه بتاعتى
انى بقليه فى الزيت المصفى من البصل كأنى كنت متبلاه بالبصل بالظبط
وغالبا بحتفظ بالزيت المصفى من البصل لاى قلى لحمه او سمك

طربقة عمل الرز

بعد غسيله بضع باقى البصل المضروب ولو فى باقى لعصير الطماطم يكون افضل

وملح وفلفل واظبط مايته واضع مقدار الزيت بتاعى العادى لكن برده من زيت قلى البصل بيكون طعمه افضل

[CENTER]

ثانيا السمك الشبار الصينيه

المكونات

1 كيلو شبار منظف ومغسول

1 بصله كبيره شرائح

3 فلفل اخضر شرائح

4 طماطم معصوره

عصير 2 ليمونه

2 م ك زيت

التتبيله(ملح وفلفل وكمون وكسبره ناشفه وشطه وتوابل سمك)

الطريقه

بقلب التتبيله مع بعضها

وبحشى السمك بها

احضرت صينيه وفرشت فيها طبقه بصل وبعدها فلفل

وحطيت السمك عليها

ولو فى باقى للتبيله بنثرها فوق السمك وارجع واحط بصل وفلفل و عليهم عصير الطماطم واظبط الحدق والفلفل وعصير الليمون والزيت

وادخله الفرن الى ان يحمر وش السمك وبالهنا

ثالثا سمك غطى موسى مقلى بالبيض والبقسماط وجزء اخر بالدقيق

المكونات

1 ك سمك غطى موسى (غطيان)

نفس التتبيله العلويه

دقيق

بيض

بقسماط

الطريقه

بعد غسيل السمك وتنظيفه اتبله ساعه

وبعد كده احطه فى الدقيق وبعده البيض وبعده البقسماط [/center]

واقليه فى زيت حار

والجزء الاخر بعد ما بحطه فى الدقيق بقليه

رابعا كباب المأكولات البحريه وارز بالسيبيا


المكونات (الكباب البحرى)



سمك فيليه

جمبرى مقشر
سيبيا قطع صغيره
بصل قطع
فلفل قطع
طماطم تشيلى



التتبيله



معجون الكارى الاحمر
جنزبيل
توم بودره
بصل بودره
صويا صوص
مسطرده
ملح فلفل



الطريقه



توضع كل مكونات التتبيله على السمك والجمبرى وقبل ما اضع السيبيا اسويها شويه فى مايه وفيها م ص معجون الكارى الاحمر وبعد ذلك الى ان تستوى
واصفى مايتهاواضع السيبيا على السمك والجمبرى النىء واقلبهم مع بعض واتركهم 2 ساعه
انا مقادير التتبيله حطتيتها بالويم
وجيبت الاسياخ الخشبيه ووضعت كل ما هو من مكوناتى فيها ودهنت وشها بأيدى بزيت علشان تعمل لون
ودخلتها الفرن نصف ساعه مع التقليب فى نص الفتره طبعا او لما لونها اتغير
قبل ما انسى المايه اللى صفتها من السيبيا اخدتها عملت به الرز










طريقة الرز



المكونات



رز بسمتى اسمر
وممكن اى رز
فلفل اخضر مقطع صغير
قطع سيبيا من المستويه مسبقا
م ك معجون الكارى الاحمر
2 مكعب مرقه
1 م ص كركم
ملح وفلفل لتظبيط الحدق
ماء سليق السيبيا
ولو حبيتوا تضيفوا روزمارى ويكون احلى واحلى

خامسا فيتوتشينى بالمأكولات البحريه





المكونات
اولا ممكن تغيرى فى المقادير حسب رغبتك
2 باكت مكرونه شرايط
1/2 كيلو سيبيامنظفه ومقطعه شرايط
1/2 كيلو جمبرى مقشر
بصله مفرومه
3 فص توم مفروم
3 مكعب مرقه حسب ملحك فى الاكل
1 م ك معجون كارى احمر اللى حيجربه حيرمى البودره فى الباسكت
1 م ص كسبره ناشفه
1/2 م ص فلفل اسود
2 م ك شبت مقطع صغير
2 فلفل ملون مقطع شرايط
جزره كبيره مبشوره
3/4 كوب صوص البستو(((1 كوب ريحان&1/3 كوب صنيبر محمر&فص توم &1/4 كوب جبنه رومى & يخلط جيدافى الخلاط مع اضافة زيت الزيتون الى ان يمهك جيدا)))
1 كوب كريمه (( 2 كوب لبن مع م ك نشا مذوبه))






الطريقه



يوضع البصل على النار فى قليل من الزيت للتشويح
وبعد ما يهبط اضع التوم مع التقليب
2 د واضع عليهم السيبيا مع المرقه والكارى والكسبره والفلفل الاسود وازود مايه حتى تستوى السيبيا
وبعد السوا
اضع الشبت والفلفل الملون والجزر والجمبرى مع التقليب الخفيف لدقائق قليله
ثم اضف البستو وبعده الكريمه او بديلها
واسوى المكرونه واخلطهم على بعض
لو الصوص غليظ القوام افكه بشويه ماية سليق المكرونه

سادسا كفتة جمبرى بالصلصه



وده طريقته
المكونات



1 كيلو جمبرى مقشر ومنظف ومغسول جيدا
بصله
8 فصوص توم
حزمة شبت
حزمة بقدونس
حزمة نعناع صغيره
بهارات اللى ربنا يقدرك عليه
ملح وفلفل وكمون وكسبره وشطه
دقيق ونشا نص ونص مع بعض حوالى 1/2 كوب او 3/4 حسب انتى وخلطتك



الطريقه



اضع كل المقادير فى الكبه ماعدا الجمبرى والدقيق
واضرب يا معلم
ولما يخطلتوا وينعموا خالص مع بعض اضيف الجمبرى
واضرب تانى
يا دوب احس ان الجمبرى ااتفرم واندمج معاهم
واضيف الخليط الدقيق والنشا شويه شويه مع التقليب باليد
الى ان تتماسك خليطى ومعدشى يلزق فى ايدى
واحط المقلايه على النار واحط فيها زيت غزير
وبجانبى طبق صغير فيه زيت
والخلطه بتاعتى
ابل ايدى فى الزيت واخد قطعه اصبعها والقف فى الزيت
وللمبتدئات اصبع كله الاول والقوف فى الزيت مره واحده لانه سريع السوا وعايز تقليب سريع وانت وشطارتك





ولعمل الصوص



المكونات
5 فصوص توم مفرومين
3/4 كيلو طماطم معصوره ومصفيه
ملح وفلفل وكمون وشطه



الطريقه



اضع التوم فى شوية زيت
الى ان تصفر واضع عليها الطماطم ووالبهارات
ولما تغلى اضع الكفته
الى ان تسبك وتقدم مع ارز ابيض

سابعا سمك غطى موسى بالطحينة والخضار



المقادير




2/1 كيلو سمك غطيان وممكن الاستبدال بسمكه أروس كبيره او شرائح فيليه اى نوع سمك
التتبيلة ملح وتوم بودرةوبهارات سمك وقليل من الخل
فلفل ملون شرائح
بصلة شرائح
2 فص توم مدقوق
طماطمايه قطع صغيره
2 عصير ليمونه كبيرة
2/1 كوب سلطة طحينه من غير خل
2/1 كوب ماء
4/1 كوب زيت



الطريقه



بتبل السمك بعد التنظيف بالتتبيلة واتركه ساعه
واحضر صينيه وافرشها بالخضار كله
واضع عليهم السمك واضع الماء فى قعر الصينيه من الجنب علشان مغسلش السمك من التتبيله بتاعتة
ومن فوق السمك اضع الليمون والزيت وقليل من الملح واسويها
من فوق البويوجاز او فى الفرن انت وراحتك ما بيخدش وقت خالص فى السوى
وبعد ذلك اضع الطحينه عليها وادخل الصينيه الفرن حتى يتغير وش الصينية
ولو كنت سوتها على النار بحط الطحينة وارجع الصينيه على النار لمدة 2 دقيقة وبعد ذلك اضعها تحت الشواية
ومشحقولكم على الطعم يجنن
كل حاجه فى الصينيه بتتاكل اكل
لدرجه بقايا الصوص الولاد اخدتها بصابعها

ثامنا مكرونه بالسيبيا والاعشاب العطريه
وسمك فيليه بالخلطه البقدونيسيه
وشوربه سمك بالجنزبيل

اولا المكرونه بالسيبيا والاعشاب العطريه

المكونات

باكت مكرونه مسلوقه

بصله ك مبشوره
2 فص ثوم مدقوق
1 ك طماطم معصوره
1/2 ك سيبيا شرائح
ملح وفلفل
2 م ك مرمريه
2 م ك ريحان
2 م ك زعتر

الطريقه

يتم وضع البصله فى الزيت مع التشويح واضع فوقها التوم ويقلبوا حتى الاصفرار
واضع السيبيا والطماطم و1 كوب ماء حتى تستوى السيبيا
ولو حبيت ازود ماء ازود
وبعد ذلك اضع التوابل العطريه والملح والفلفل
واظبط سماكة الصلصه
وتخلط مع المكرونه المسلوقه وتقدم مع رشة بقدونس

ثانيا السمك الفيليه بالخلطه البقدونيسيه

1 ك سمك فيليه
(التتبيله)
2 حزمة بقدوس
1 حزمة شبت
4 فص توم
1 فلفل احمر
ملح
فلفل
شطه
كمون
خلللللللللللللللللللللللل
تضرب التتبيله كلها فى الخلاط ولو واقفه ازود الخل

2 بيضه
1/2 كوب لبن
واخفقهم مع بعض
1/2 كوب دقيق لوحده فى طبق

احضر السمك واضعه فى دقيق وبعد ذلك فى البيض المخفوق
وبعد ذلك فى التتبيله واتركه امدة 1/4 ساعه فى الثلاجه ويقلى

وهذا هو رابط الشوربة

http://www.lakii.com/vb/showthread.php?t=539412

تاسعا
بطاطس بالسيبيا بالكارى



المكونات



1 كيلو بطاطس مقطعه مكعبات
1 كيلو سيبيا شرائح
بصله كبيره مبشوره
ملح وفلفل
م ك كسبره ناشفه
3 م ك كارى



الطريقه



احمر البصل فى زيت وبعد كده اضع كل البهارات واقلب 2 د
وعليهم السيبيا مع التقليب واضع عليها مايه واسيبها الى ان تستوى السيبيا وبعد كده احط البطاطس وفى نفس الوقت بحاول ان اظبط كمية المايه مع الحدق
وبتكون صوص ثقيل بسيط
وبالهنا

ماشاء الله
شو هالابداع البحري يالبرنسيس

تسلم ايديك حبيبتي
ابدعتي كعاداتك

بارك الله فيك
مشاركات رائعة

يسلموا يا احلى برنسس ابدعتى ملف روعه ومميز يا غاليه

مجهود تشكرى عليه والله يبارك فيك بشهو الاطباق تم الحفظ

جزاك الله كل خير