محشي الباذنجان مشاركتي لوعود الخير
السلام عليكم
طبعا انتو علطول وحشني
وربنا يبارك فالادارة الي بتخلي في جو رائع فالمنتدى
حبيت اشارك حبيبة قلبي وعود الخير
فأطباق طيفيه
بمحشي الباذنجان عالطريقه المصريه
لاااااااااايقاوم
هكتب المقادير والطريقه
بعدها الصور
باذنجان صغير للحشو ابيض او الاحمر (خد الجميل ) الي تحبيه انا بحب استخدم الاحمر وبنقي الحبات الصغيرة شكلها احلى
رز مصري
شبت وبقدونس وكزبرة ونعناع
مرقة فراخ او لحمه بس انا بفضل الفراخ
ملح وفلفل
طماطم
بصل
سمنه وزيت
الطريقه
اولا طبعا هنغسل الباذنجان ونقوره ونرجع نغسله تاني وانا افضل الخطوه دي بعد منعمل الحشوة ونخلصها لان الباذنجان الافضل يتحشي بعدميتقور او يتحفر مباشرة علشان ميجلدش او يعني يشد معانا شويه
نقطع البصل صغير او نبشره بصلايه كبيرة ونحطها على النار مع السمنه والزيت ونسيبها تدبل بعدين نحطلها حوالي اربع حبات طماطم مبشورة او مقطعه صغير ولما الميه تقل عالاخر نطفي ونضيفهم على الرز الغسول والمنقوع نقطع البقدونس والكزبرة والشبت والنعناع ونحطهم عليه والملح والفافل ونقلبهم
نحشي الباذنجان لغايه نص الحبايه بس علشان ميفلقش معانا خلال السوا نرصهم في الحله او الطنجرة او القدر ونحط عليهم الشوربه وعلى النار تكون هاديه انا بحط معلقة صلصه طماطم مع الشوربه بتدي طعم حلو
ولما يستوي تقدمي مع الفراخ او اللحمه وطبق سلطه وملوخيه والف هنااااااااااا
ويارب تعجبكم
اتمنى مشاركتي السريعه تنال اعجابكم
ولاااتنسوا اولادي من الدعاء
.
رد مع الاستدلال
كتبت بواسطة سمسماية
[
الروابط المفضلة