*طبق متميز*كبسة بالبيض....واو جديدة ولذييييذة
كبسة بالبيض
زهقتى من الطبخ؟
زهقتى من اللحوم بأنواعها؟
عايزة تاكلى أكلة جديدة ومش منتشرة ولذيييذة؟
نفسك الأكلة دى تكون سهلة وفى نفس الوقت تكون وجبة متكاملة؟
طلبك عندى تعالى نعمل كبسة بس بالبيض مش باللحمة وطعمها حلو كتييييير خصوصا وهى لسة سخنة.
المطلوب:
- كوب أرز لكل فرد
- بيضتان لكل فرد أو حسب الرغبة
- بصلة متوسطة لكل 2 كوب أرز(على فكرة انا عادة بستخدم أرز مصرى)
- ملح
- ماء
الطريقة:
ينقع الأرز من 10 الى 15 دقيقة فى ماء ثم يوضع فى مصفاة للتخلص من الماء الزايد
احضرى حلة/اناء طهى ثم قومى بتخريط البصل وضعى عليه الزيت وارفعيهم على النار
عندما يصبح لون البصل بنى ذهبى ضيفى له الأرز واستمرى فى التقليب لبعض الوقت على نار هادئة
ضيفى الماء والملح(طبعا كلنا شاطرين وعارفين ان الرز ده شبه اللى بنقدمه جنب السمك)
ضعى الغطاء واتركيه ينضج على نار هادئة
بعدما يتشرب الأرز ماؤه وقبل اتمام عملية النضج بأربع أو خمس دقائق قلبى الأرز لأخر مرة ثم اضغطى بالملعقة سطح الأرز لاحداث حفرة لكل بيضة بهذا الشكل
وضعت دائرة حمراء حول الحفرة للتوضيح
ضعى بيضة فى كل حفرة وضعى الغطاء واتركيهم ينضجوا على نار هادئة
هذا هو الشكل بعد النضج
يحبب أن يقدم معه طبق سلطة خفيف حتى تصبح الوجبة متكاملة ( مكونات سلطتى كانت:طماطم،فلفل أخضرحلو،خيار،بصل،كسبرة،ملح،ليمون)
بتمنى يكون الطبق عجبكم وتجربوه.اتفضلوا وقولوليلى ايه رأيكم.
رد مع الاستدلال
[
كتبت بواسطة لالي لافندر
الروابط المفضلة