*وصفه متميزه*طبق مقبلات وحولته لطبق رئيسى يا سبحان الله
السلام عليكم ورحمة الله وبركاته
كنت كالعاده عمله طبق مقبلات
لكن هو هواه بناكله كطبق رئيسى لكن بعد شوية دلع اتفضلوا
اولا ده طبق المقبلات
كفتة جمبرى بالصلصه
وده طريقته
المكونات
1 كيلو جمبرى مقشر ومنظف ومغسول جيدا
بصله
8 فصوص توم
حزمة شبت
حزمة بقدونس
حزمة نعناع صغيره
بهارات اللى ربنا يقدرك عليه
ملح وفلفل وكمون وكسبره وشطه
دقيق ونشا نص ونص مع بعض حوالى 1/2 كوب او 3/4 حسب انتى وخلطتك
الطريقه
اضع كل المقادير فى الكبه ماعدا الجمبرى والدقيق
واضرب يا معلم
ولما يخطلتوا وينعموا خالص مع بعض اضيف الجمبرى
واضرب تانى
يا دوب احس ان الجمبرى ااتفرم واندمج معاهم
واضيف الخليط الدقيق والنشا شويه شويه مع التقليب باليد
الى ان تتماسك خليطى ومعدشى يلزق فى ايدى
واحط المقلايه على النار واحط فيها زيت غزير
وبجانبى طبق صغير فيه زيت
والخلطه بتاعتى
ابل ايدى فى الزيت واخد قطعه اصبعها والقف فى الزيت
وللمبتدئات اصبع كله الاول والقوف فى الزيت مره واحده لانه سريع السوا وعايز تقليب سريع وانت وشطارتك
ولعمل الصوص
المكونات
5 فصوص توم مفرومين
3/4 كيلو طماطم معصوره ومصفيه
ملح وفلفل وكمون وشطه
الطريقه
اضع التوم فى شوية زيت
الى ان تصفر واضع عليها الطماطم ووالبهارات
ولما تغلى اضع الكفته
الى ان تسبك وتقدم مع ارز ابيض
رد مع الاستدلال
مدونتي مطبخ ام مرمر و ليلو
الروابط المفضلة