السلام عليكم ورحمه الله وبركاته

كيفكم يا حلوين وحشتونييييى

عاوزة اعرفكم النهارده على طريقتى فى سلق الفراخ
شوفوا شكلها الاول

عارفه هتقولولى ايه يا كليوباترا كلنا بنعرف نسلق فراخ

انا هقول لكم على سرى الصغير اللى بيخلى الفراخ ليها احلى طعم ونفس

ودى طريقه والدتى اللى معلمهالى من وانا صغيرة

وعرفتها لناس كتيييير وعجبتهم جدا واعتمدوها

حبيت اعرفها لاصحابى الحلويين

بسم الله نبدا وعلى الله نتوكل
والطريقه هى

الفراخ طبعا بتتغسل وتتنقع حوالى 1/4ساعه فى ماء وملح وخل وليمون

ونخرط بصله كبيرة بالسكينه قطع صغيرة

ونضع عليها ملح وفلفل اسود وبهارات وجنزبيل وعصير ليمونه

وندعك البصله بالاضافات جيدا

ونحشى الفرخه بيها ونحشى بين الجلد واللحم زى اللى هتتشوى وكتفيها وبس

واسلقيها فى الماء عادى يا لينه هتبقى احلى شوربة

وهنضيف لماء السلق ورق لورى وحبهان سليم ومفتوح

كده سلقنا الفراخ

عاوزة تاكليها مسلوقه انتى حرة رشى عليها ملح وفلفل اسود وليمون وهى سخنه

اما لو هتحمريها انا هقوللك على طرقى

1-تحمريها فى المقلاة بالزبده والزيت مقطعه او سليمه وترشى عليها ملح وفلفل اسود وليمون وهى سخنه بعد التحمير
او بدل المقلاة الشواية بتقي زي المشوية

2-تدهنيها صلصه وخل وليمون وزيت وملح وسكر وفلفل وتضعيها على الشوايه او فى الفرن

3-تضربى فى الخلاط حبه طماطم وبعدين تضيفى ليها بصله وملح وفلفل اسود وزبده وزيت وتضربيها بحيث البصله
تبقى خشنه وتحطى الفراخ سليمه او مقطعه فى صينيه وتحطى عليها الخلطه دى وتحمريها في الفرن

4- او تقطعيها وتضيفيها علي وجه اي صينية خضار في الفرن

علي فكرة انا عاملاها المرة دي بطريقة رقم 2

اترككم مع الصور

url=http://www.0zz0.com][/url]

يارب يعجبكم موضوعي
اسفة للاطالة

انا حجربها لكن ده ميغيرش طعم الشوربا
شكرا اختى

كتبت بواسطة طوما

انا حجربها لكن ده ميغيرش طعم الشوربا
شكرا اختى

بالعكس با قمر دي بتبقي شوربة روعة لو جربتيها هتعجبك ان شاء الله
شكرا ليكي حبيبتي

ما شاء الله عليكي يا cliopatra .. أستاااااااذة
منظر الدجاجة مع المفلفل الأرز يجنن
و قاعدة تنادي لي علشان آكلها لوحدي .. طماعة بقى
بجد تسلمي على الوصفة و زي ما بيقولوا : مش أي أي ولا زي زي و مش أي قط يتقال له يا مشمش
و تسلم إيديكي يا غالية و يعطيكي الصحة و العافية يا رب

تسلمي عزيزتي كليوبترا
طريقه شهيه وتسلم الوالده يا رب
شكرا

بصراحه شكلها جدا شهي ان شاء الله اجرب الطريقتين

تسلم الايادي ياعسل وتسلم ايادي الوالده الله يخليها لك

والف صحه وهنا على قلوبكم

وانت كمان واحشانا يا قمر
طريقة حلوة
سلمت يمناك والشكر طبعا لست الحبايب صاحبة الفضل في وصول هالطريقة لينا

بسم الله ماشاءالله عليكى

وتسلم الايادى الجميلة والافكار الرائعة

وتسلم على المعلومة الجميلة بارك الله فيكى ياغالية

والف هنا وعافية على قلوبكم يارب

تسلم ايدك ياقمر
شكلها حينطق من الشاشه
والف شك رعلىالوصفه الجميله زيك

تسلمى عالوصفه حببتى ربنا بدبكى الف صحه بارب