حياكم الله جميعا
هذا رز بخاري ومنتو عمايل إيديه
الطريقه بالمقادير
أول شي اقدحي سمن أو زيت وحطي 3 حبات بصل مفروم وقلبي حتى يصفر وبعدين أضيفي اللحمه وقلبي 10 دقايق تقريبا حتى يتقلقل اللحم.
جيبي 4 حبات طماطم مقطعه صغيييييييييير وحطيها عاللحم وقلبي لمدة 5 دقايق واضيفي علبة صلصة طماطم وغطي القدر شوي الين تذبل الطماطم
حطي البهارات الصحيحه في علبة البهارات ( 10 هيل - 5 أعواد قرفه - 7 حبات قرنفل - 15 فلفل أسود - ورقه صغيره شيبه ان وجد -)
وحطيها بالقدر وصبي مويه حااااااااره تكفي للنضج اللحم واتركيها على نار هاديه حتى يقرب اللحم يستوي
اضيفي الجزر ( يكون مقطع رفيع ) واتركيه لمدة ربع ساعه بعدين أضيفي الملح والكمون وشوي هيل مطحون وفلفل أسود وبليله مسلوقه
حطي عليها الرز المنقوع سابقا ( ولازم تنتبهي انو المرق كافي للنضج الرز أو زيدي شوي مويه )
غطي القدر وخليه على نار هاديه حتى يستوي وينشف الماء
يقدم بغرف الرز اللي في أعلى القدر في صحن جانبي ونقلب ما تبقى في القدر من رز ولحم وجزر في صحن التقديم
ويزين بالرز الفاتح اللي غرفناه على جنب
وبالعافية
المنتو
العجينة
3 كاسات دقيق ورشة ملح تضيفي عليها ثلث كاسة سمن أو زيت ( أنا أخلطهم سوا ) وتعجنيهم بمويه دافيه الين تتكون عجينة متماسكه
تجيبي صينيه وتدهنيها بالزيت وتعملي العجينه كور قد حبة اليوسف وتغطيها مدة ساعه
الحشوه
لحمة مفرومه و5 حبات بصل و4 طماطم كلها مفرومه وصفي الطماطم من المويه واخلطيهم واضيفي لهم ملح وفلفل أسود
أفردي العجينة باستخدام الدقيق وخليها رفيييييييعه وقطعيها مربعات واحشيها وزميها بالطريقه اللي تناسبك بس لصقيها مزبوط عشان لا تنفتح
في قدر المنتو أول الدور عبي نصه مويه وملعقة ملح وقطرات زيت
والدورين الثانيه ادهنيهم بالزيت ورصي حبات المنتو ياخد تقريبا نص ساعه على ما يستوي وبالعافيه
صور السفره
رد مع الاستدلال
[
الروابط المفضلة