السلام عليكم ورحمة الله وبركاته
اتفضلوو يا بنات اليوم طبخت لكم محشي كوسا وباتنجان وبابريكا او فلفل رومي حلوو
المقادير:
5 حبات كوسا كبيرة
او 8 حبات صغيرة
3 حبات باذنجان كبيرة
او 6 حبات صغيرة
حبتين بابريكا او فلفل رومي حلو
حبتين طماطم كبيرة
4 حبات بطاطا للتسكير
للحشوة:
1/2 2 كوب رز بسماتي
حزمة بقدونس مفرومة
بصلتين كبيرة
2 ملعقة كبيرة صلصة طماطم
1/3 كوب صغير زيت عباد الشمي
200 جرام لحمة مفرومة
بهارات الرز حسب الرغبة
شوية كمون
شوية بهار
شوية ملح
شوية فلفل اسود
شوية كزبرة
الطريقة:
بنحضر الكوسا والباتنجان للتقوير
اول شي بتغسلهم بالماء
بنوقرهن وبعد هيك نغسلهن تاني وبنصفيهن من الماء كويس
بنحضر للحشوة البصل بنبشره
هلاء بنحط فوق البصل كوبين ونص الرز واللحمة وجميع البهارات و2 ملعقة الصلصلة والزيت
بنفرم البقدونس ناعم
وبنضيفه للسابق
بنقلبهن مع بعض كويس
وهلاء بنحضر الرز للحشي
بنقشر حبتين بطاطا للتسكير او قفل المحشي
وبعد ما نحشي المحشي بنرصه في طبق حتي نقدر نقفله كويس
وبنقسم البطاطا حسب كل كوسا وباتنجانة وبنقفل كل واحدة
وبنجيب الطنجرة اللي بدنا نطبخ فيها وبنرص اول شي الباتنجان لانه الكوسا بيستوي قبله فلما يكون تحت بيستوي مع بعض
وبنرص كل المحشي في الطنجرة
بنرش علي الوش شوية ملح وفلفل اسود وبنحط عليهن ملعقتين كبيرة صلصة طماطم
واثناء الحشي ممكن نغلي المية في طنجرة تانية
باقي الصور بعد الطبخ ان شاء الله بانزلهن
وبالهنا والشفا
الروابط المفضلة