السلام عليكم
الله يسعد مساكم وصباحكم وكل اوقاتكم
اليوم جايبتلكم طبخه غريبه
بس مش غريبه عند اهل الخليل
مشهوره كتير
محشي خيار
يمكن تستغربو
وتقولو كيف والخيار حلو وكيف محشي لونه اخضر بنعمل بلبن ولا بندوره
خلينا نبلش ونوضح الفكره
اول اشي المقادير
طبعا نحتاج خيار كبير وخميل خرج حفر وحشي
ونحتاج تتبيله الرز
طبعا حسب ما بتحبي تحشي المحشي
رز طبعا ولحمه مفرومه
وبهارات (ملح.وفلفل .وبهار. وكركم.)
وزيت أوسمنه حسب الرغبه
وبنحتاج طبعا زيت غزير عشان نقليه
وبدنا نطبخه طبعا بتمر هندي وبندوره
ببنقع التمر الهندي بماء دافي
وبنجهزه
وممكن عصر بندوره او ايضافه رب بندوره جاهزه
انا اليوم ضفت علبه رب بندوره صغيره
طبعا كميه التمر هندي اكتر من البندوره
وبنبدأ
بسم الله بنحفر الخيار
وطبعا بنشطفه عشان نتخلص من كل اللب المتبقي بالداخل
وبنحشي بالرز لنصفه فقط
عشان نعطي مجال ينضج وما يخبص
ان شالله يكون واضح
كميه الحشو
طبعا هلا بعد ما خلصنا الحشي
بنجهز الزيت للقلي
بنحتاج مقلاه أو طنجره فيها زيت غزير
وبنقلبه
شوفي كيف ببلش لونه يتغير
وبنصفه بالطنجره يلي بدنا نطبخه فيها
طبعا لازم يصير لونه هيك
هلا
بعد ما نخلص كل الكميه
نقليها ونجهزها
ونصفها بالطنجره
بنرش عليها رشه ملح
وبنضيف التمر الهندي بعد ما نصفيه والبندوره
وطبعا شوي ماء حتى نغمر
المحشي
اول اشي بنتركها على نار عاليه
لحتى تغلى كويس وبعدين بنوطي النار عليها وبنركها حوالي ساعه
وهيك بصير
مع المرقه
وهيك صار جاهز للتقديم
وهاي حبه مفتوحه
والمرق عن قرب
وممكن نعمل نفس الشي مع الجزر
نفس الخطوات
وصحه وهنا
وان شالله تعجبكم وبانتظار ردودكم
تحياتي لكم
زهره النارنج
الروابط المفضلة