السلام عليكم
ابدا الوصفه
اسم الطبق /الارز الفرنسي
بس مش اي رز ..عملناها لجوز عمتي فرنسي اتجنن عليها
انا هكتب بما يكفي 3-4 اشخاص
3كوب ارز مصري منقوع صفيه وحمري شويه بالزبده
لما تشمي الريحه حطي مايه وسويه عادي جدا بس يشطرط انه يكون مفرول ميطراش
حطي نص كميه الرز في الصينيه المدهونه بالزبده
وبعدين بتكوني عامله جزر +بازلاء مقطعه الجزر صغير وحاطه بازلاء
وفي حله بتشوحي بصله متوسطه ومقطعه مكعبات صغيره وبعدين تضيفي الجزر والبازلاء وتشوحيهم شويه مع البصله 5 دقايق كدا
وبعدين تضيفي شويه مايه يضوب تغطي الخلطه دي وملح وفلفل اسود
وتغطي وتسوي عادي بشرط لازم يشرب مايته ممنوع تكبي الميه ولو طلعت زايده شويه علي النار لحد ميتشرب
خلصتي كبيهم على نص كميه الرز اللي في الصينيه
على جنب تاني
هاتي اللي تحبيه اما كبده وقونص مقطعين ومشوحين مع بصله
اما لحمه مفرومه +بصل +ملح وفلفل اسود فقط مستويين طبعا
وتكبيه على الخضار
وبعدين ضيفي نص كميه الرز الباقيه على الخضار
تعبتو؟؟؟؟؟؟
باقي ااااااااخر حاجه
الباشاميل
هاتي معلقتين دقيق وشويه حليب كوب تقريبا وملح وفلفل وزبده اخلطيهم مع بعض في الخلاط وبعدين حطيهم على النار يبقى سمك الباشاميل اللي انتي بتحبيه ومعوده بيتك عليه... انا مبحبوش غليظ
وبعد ميبرد شويه ضيفي من بيضه لبيضتين وفلفل اسود
على الباشاميل وقلبي
ويعدين ضيفيهم على الصينيه
دخليه في الفرن نص ساعه في الرف الوسط
على درجه حراره 180 تقريبا
لو متحمرش الوجه اشعلي شوايه الفرن العلويه وخليكي واقفه قدامه
انتظري ربع او نص ساعه تمسك نفسها وابداي بالتقطيع
متنتظريهاش تبرد وهيا سخنه رووعه مش هتحتاج تحطي اي حاجه جنبها
جربوها وعلى ضمانتي
دمتم بخير
الروابط المفضلة