*طبق متميز*صينية فراخ شبه الايراني شوية بس بطريقة رضوى
وحشتوني وحشتوني وحشتوني
دايما ولازم حاجة تاخدني منكم الدكتوراة دي صعبة اويييييييييييييييي يا جماعة وعلى قد منزلتها وقيمتها على قد صعوبتها، وكمان الأيام دي امتحانات وأنا قريبة من الطلبة قوي بحكم سني الصغير شوية بالنسبة ليهم وهما طبعا قلقانين وأنا لازم أكون جنبهم واطمنهم عشان امتحاني ليهم كمان أيام و مادتي كمان صعبة عليهم ولازم وكمان بحب اعمل اللي عليا عشان وقت الامتحان يبقى ضميري مرتاح، ويا رب يوفقهم وينجحوا كلهم يا رب، ادعولهم من قلبكم.
النهاردة جايبالكم طريقة لذيذة وجديدة أوي لعمايل الفراخ فيه ناس بتشوف إنها على الطريقة الإيرانية بس هيه فعلا مش كده أنا اخدت من الطريقة الإيرانية مكون واحد بس لان الإيراني بيستعملوا فيها عسل وأنا بقلق وبخاف من العسل ده فبعملها بطريقة تانية خالص.
المقادير واضحة في الصورة :
1- دجاج منظف ومقطع 8 قطع ( أنا بستعمل الوراك عشان عندي بيحبوهها اكتر وبقسم الورك جزئين ذي ما هيبان في الصور)، ومنزوع الجلد ومنقوع نصف ساعة في ماء وخل وملح لإخراج أي زفر منها. ثم تصفى من الماء جيدا وتدعك بالملح والفلفل الأسمر وتترك جانبا لكن يجب مراعاة الملح المضاف في كل مرحلة حسب الرغبة وحتى لا يزيد الحدق.
2- بصلة كبرة، جزرة متوسطة، كزبرة خضرا مفرومة ، فص ثوم كبير، حبة طماطم متوسطة. ( تبشر كل هذه المكونات على المبشرة التقليدية.
3- أهم مكون كوب صغير عصير قمر الدين غير محلى طبعا ومضاف له قليل من الملح وعصير ليمونة وملعقة دبس رمان وزيت ذرة ويقلب الخليط جيدا.
4- بودرة ثوم وملح وفلفل ولا نستعمل أي نوع بهار تاني لان الوصفة لا تحتاج أكثر من ذلك وحتى يكون طعمها مختلف عن أي طريقة أخرى لان كل وصفة لازم يكون ليها مذاق وطعم مختلف لهدف التنوع في الوصفات والأطعمة.
الطريقة:1- يضاف الثوم البودرة والملح والفلفل لخليط البشر الأول
2- ( البصل والثوم والطماطم والكزبرة المفرومة)، وناخد قليل من الخليط ونضعه في قاع الصينية المستخدمة كما بالصورة.
3- نخلط باقي الخليط مع الدجاج ونرصه بالصينية كما هو واضح.
4- نقلب خليط قمر الدين ونصبه ونوزعه فوق الدجاج ونغطي الصينية ونتركها نصف ساعة أو ساعة في الثلاجة ثم نغطيها وندخلها الفرن فر الرف الأسفل وحرارة 210 لمدة ساعة مع النظر عليها كل فترة وتقليبها حتى تنضج.
ممكن أن نشعل الشواية فوقها بعد أن تنضج ولكني أفضل تحميرها للاحتفاظ بطراوة الصوص.
ودي صورتها بعد الخروج من الفرن.
ودي بعد التحمير.
ودي شكلها في الطبق.
وألا أقولكم الوجبة كلها على حسابي لأول رد على فكرة الصوص تحفة بس أنا بحب اعمل خضار جنبها عشان الصوص بيتنسف دايما وبالهنا والشفا عليكم.
يا رب تعجبكم.
رد مع الاستدلال
كتبت بواسطة ميرابيل
الروابط المفضلة