بسم الله الرحمن الرحيم
انهارده انا عملت اللحمه البارده او عرق التليبيانكو لحبيبتى الغاليه ماما ام شادى وده رابط الموضوعhttp://www.lakii.com/vb/showthread.php?t=481346
وبصراحه انا لما شوفته قررت انى اعمله ودى كانت اول مره وبصراحه طلع يجنن انا بس غيرت شويه فى الخلطه والتتبيله وحبيت اخليها بطريقتى شويه المهم تعالو نشوف عملنا ايه
اولا انا جبت العرق وربطه بالخيط بالشكل ده
وبعدين فرمت بصل وثوم وجزر وجنزبيل وفلفل عادى وحراق بالشكل ده
وبعدين خلطهم جمعيا مع بعض وتبلتهم بالملح والفلفل والتوابل المشكله والكركم والكمون والشطه مع شويه حبهان و قرنفل مطحونيين بالشكل ده
وبعدين خرمت العرق شويه بالسكين وتبلته كله بالتتبيله من كل الاتجاهات بالشكل ده
ومن الجانبيين خرمتهم بالسكين وحطييت جزرتين من كل جنب بالشكل ده وتركته فى الثلاجه حوالى 12 ساعه علشان يتشرب التتبيله
وبعدين حطيت عليه حوالى كوب ماء وحطيته على نار هاديه بالشكل ده
وكل شويه ازوده شويه مايه واقلبه على الجنب التانى
معلش هياخد وقت شويه بس افضل من الفرن علشان اقدر كل شويه ابص عليه وازوده مايه
وده شكله بعد ما استوى
على فكره من كتر جماله انا صورته كتيير جدا من جميع الجهات
والصور دى للحلويين بس اللى هيردو عليه ويقولولى ايه رايهم
الروابط المفضلة