انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 3 123 الأخيرالأخير
عرض النتائج 1 الى 10 من 25

الموضوع: *موضوع متميز*صينيه سمك وكاليمارى فى الفرن وكمان كاليمارى محشى ومحمر واووووووووو

  1. #1
    تاريخ التسجيل
    Oct 2008
    الموقع
    مصريه اعيش فى الدمام
    الردود
    705
    الجنس
    أنثى

    المواضيع المتميزة *موضوع متميز*صينيه سمك وكاليمارى فى الفرن وكمان كاليمارى محشى ومحمر واووووووووو

    بسم الله الرحمن الرحيم


    صديقاتى الغاليات تكمله لموضوعى السابق الخاص بالاسماك كنت قدمتلكو المره السابقه بريانى السمك ومعاه روبيان مقلى انهارده هقدملكو صينيه سمك وكاليمارى فى الفرن وكمان هقدملكو كاليمارى محشى بطريقتى ويارب يعجبكو
    اولا -صينيه السمك والكاليمارى فى الفرن
    نجهز السمك ننظفه كويس بالشكل ده
    ونتبله بالملح والكمون والثوم والشطه والفلفل الحامى علشان نقليه


    وبالنسبه للكاليمارى او السبيط بيكون بالشكل ده


    زى ماحنا شايفين الكاليمارى بييجى كله على بعضه بالشكل ده و احنا بننظفه كويس بنتخلص من الراس وبنخلى الزوائد او الازرع بتاعته بننظفها ونقطعها وبعدين ننقعه فى مايه ودقيق وخل


    الجزء الكبير او الجسم بنقطعه بالشكل ده

    نقطعه اصابع زى البطاطس المحمره علشان هنقليه


    السمك بعد ماتبلناه هنقليه ونرصه فى صينيه بالشكل ده


    والكاليمارى نتبله بالملح والكمون والفلفل والثوم والتوابل المشكله والصويا صوص


    ونحمره على نار هادئه علشان ميتحمرش بسرعه ويشد شويه فى الاكل ونحطه على وش السمك فى الصينيه

    ونجهز التسبيكه نقطع بصل مكعبات

    وبعدين نجهز ثوم مفروم وجنزبيل مفروم وفلفل رومى مقطع وجزر مبشور

    ونجهز التوابل ملح وفلفل وكمون وكارى وكركم وتوابل مشكله وقرفه وزعفران

    ونطحن شويه توابل عطريه حبهان وقرنفل ونعناع ولومى بالشكل ده

    نبدا نحط البصل على النار يشوح شويه مع الزيت وبعدين نحط الثوم والجنوبيل والجزر والفلفل الرومى

    وبعدين نسيبهم شويه على النار

    وبعدين نحط طماطم او صلصه طماطم حسب الرغبه ونسيبها تتسبك شويه

    ونحط التوابل كلها مره واحده

    ونحط شويه من التوابل العطريه المطحونه

    وبعد ما تتسبك نحطها على وش السمك والكاليمارى فى الصينيه بالشكل ده وندخلها الفرن شويه

    وبعدين نحطها فى الشوايه لحد ما تحمر بالشكل ده

    ودى شكل الصينيه بعد ماطلعت من الفرن

    وممكن تعملى معاها رز بسمتى بالزعفران او بالكركم وباقى الكاليمارى نسيبه مقلى ونقدمه مع الرز بالشكل ده

    للموضوع بقية ارجو عدم الرد
    آخر مرة عدل بواسطة حنان(البحرين) : 07-04-2009 في 11:19 AM السبب: اضافة شعار التميز

  2. #2
    تاريخ التسجيل
    Oct 2008
    الموقع
    مصريه اعيش فى الدمام
    الردود
    705
    الجنس
    أنثى
    ثانيا- الكاليمارى المحشى بالرز
    بصراحه دى اول مره احشى كاليمارى وقلت اجرب واخد رايكو انا جهزت خلطه رز بالخضار
    اولا نحمر بصله على النار


    ثانيا نقطع فصين توم وجنزبيل طازه وفلفل رومى ونحطهم عليهم

    وبعدين نحط بسله وجزر وممكن اى خضار تحبيه

    ونحط التوابل اللى احنا بنحبها انا حطيت ملح وفلفل اسوم وكركم وكمون وقلبت الرز معاهم على البارد من غير نار

    وبعدين نحط كوبايتين رز مصرى
    وجهزت الكاليمارى اللى هيتحشى بالشكل ده

    وحطيت على النار حله فيها مايه وفيها ملح وفلفل وحبهان وقرنفل ونعناع ولومى وتوابل مشكله ومرقه دجاج وسيبتها تغلى


    وبدات احشى الكاليمارى بالشكل ده
    وده شكله بعد ما حشيته


    وبعدين لفيت كل واحده فى ورق فويل علشان متفرقعش فى المايه


    وبعدين حطيت الكاليمارى فى المايه المغليه وسيبته حوالى 20 دقيقه لحد ما اتسلق وممكن تطلعى واحده تفكيها وتشوفيها استوت ولا لا


    وبعدين اطلعه من المايه وافكه بالشكل ده

    وبعدين نحمره فى السمنه البلدى علشان الطعم وبيكون شكله النهائى كده خطييرررررررر

    وعلى فكره الرز اللى بالخضار اللى اتبقى من الحشو انا سويته على النار وحطيته مع الاكل وكان طعمه جميل جدا


    يارب الاطباق تكون عجبتكو ومستنيه ردكو الجميل عليه

  3. #3
    تاريخ التسجيل
    Feb 2009
    الموقع
    في بلاد لايوجد بها خير
    الردود
    635
    الجنس
    امرأة
    طبعا عجبتنا يا دكتوره ماما
    يسلمو ايديكي وماشاء الله عليكي بيشهو

  4. #4
    تاريخ التسجيل
    Mar 2009
    الردود
    158
    الجنس
    امرأة
    ما شاء الله شكله بيشهي عاوزه اجيب معلقه بسم الله

  5. #5
    تاريخ التسجيل
    Feb 2009
    الموقع
    المغرب
    الردود
    1,323
    الجنس
    امرأة
    روعه ما شاء الله تسلم ايدك يعطيكي العافيه

  6. #6
    تاريخ التسجيل
    Oct 2008
    الموقع
    مصريه اعيش فى الدمام
    الردود
    705
    الجنس
    أنثى
    تعقيب كتبت بواسطة solafjo عرض الرد
    طبعا عجبتنا يا دكتوره ماما
    يسلمو ايديكي وماشاء الله عليكي بيشهو

    تسلميلى حبيبتى على زوقك ربنا يكرمك

  7. #7
    تاريخ التسجيل
    Oct 2008
    الموقع
    مصريه اعيش فى الدمام
    الردود
    705
    الجنس
    أنثى
    تعقيب كتبت بواسطة Manoula Markech عرض الرد
    روعه ما شاء الله تسلم ايدك يعطيكي العافيه
    شكرا حبيبتى منوله على كلامك الجميل

  8. #8
    noorelhoda's صورة
    noorelhoda غير متواجد "متميزة صيف 1429هـ و مُبدعة صيف 1430هـ "صانعة الأطايب
    تاريخ التسجيل
    Nov 2007
    الموقع
    اللهم هون على غربتى واحفظ لى زوجى وابنتى
    الردود
    21,464
    الجنس
    امرأة
    تسلم ابدك عالوصفات الجمبله
    وجدبده علبا الحقبقه
    فكره لفه بالفوبل
    بس عجبتنى اوى
    تسلمى ربنا بحفظك من كل سوء

  9. #9
    تاريخ التسجيل
    Mar 2007
    الردود
    14,616
    الجنس
    امرأة
    الله يعطيكي العافية
    ريته صحة وهنا

  10. #10
    تاريخ التسجيل
    Feb 2007
    الموقع
    مصرية متغربة
    الردود
    30
    الجنس
    امرأة
    تسلم ايدك روووعه ما شاء الله
    بس عايزة اسالك لو انا عايزة صوص فى صينية السمك يبقى ألغى خطوة الشواية بعد الفرن ولا ايه
    وشكرا جزيلا

مواضيع مشابهه

  1. الردود: 34
    اخر موضوع: 10-08-2009, 09:35 PM
  2. الردود: 35
    اخر موضوع: 03-06-2009, 05:38 AM
  3. *موضوع متميز* صينيه سمك وكاليمارى فى الفرن وكمان كاليمارى محشى
    بواسطة الدكتورة ماما في الأطباق الرئيسة
    الردود: 48
    اخر موضوع: 03-06-2009, 04:29 AM
  4. *طبق متميز*دجاج محشي ومحمر بأقل من ساعه من مطبخ ميسوو وبالصور
    بواسطة أم مــــالــــك في الأطباق الرئيسة
    الردود: 63
    اخر موضوع: 14-04-2009, 01:08 PM
  5. الردود: 58
    اخر موضوع: 11-04-2009, 01:55 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ