*طبق متميز*الرز الأوزي خطيييييييييير من مطبخ ام الحلوين
السلام عليكم ورحمه الله
عزيزاتي واخواتي في منتدى لك
وحشتوني
وبقالي فترة منزلتش حاجه هنا
رغم اني عندي مواضيع كتير
بس الوقت لااايسعفني
اليوم معايا الاوزي
رز مش خروف
ههههههههه
ومعاه البفتيك بالفرن
اوعدكم اماتجربوهم هتعملوه تاني وتالت وووووووو.........
اولا الرز الاوزي
هنحتاج
كوب بسله
كوب جزر
نص كيلو لحمه مفرومه متعصجه
شوربه فراخ
بصل
بهارات (فلفل اسود -بهارات مشكله _قرفه )وملح طبعا
2كوب رز بسمتي
لوز للتزيين
هنعصج اللحمه بالطريقه العاديه بالبصل ونسيبها تستوي
نسلق الجزر والبسله
نقطع بصله ونحمرها كويس
نحط عليها اللحمه والخضار ونقلب ونسيبهم شويه على نار هاديه
مع اضافه الملح والفلفل الاسود
بعد عشر دقايق نشيل شويه من الخلطه دي على جنب طبق ضغير
نحط الرز المغسول والبهارات ونقلبهم شويه على النار
بعدين نحط الشوربه ونسويه زي اي رز عادي
ونسيبه يستوي
معلش الصورة مع الرز اتمسحت بالغلط
لما يستوي نقدمه ونحط على الوش الخلطه الي شلناها مع اللوز
بالعاده ممكن اقدمه مع الفراخ
لكن كان عندي شوربه من قبلها بيوم فعملت بيها الرز وعملت جنبها
بفتيك بس بطريقه تحفه
هنجيب شرايح البفتيك
ونحط عليها
معلقه كبيرة توم
ملح وفلفل
رشه قرفه
خل عنب او تفاح
حوالي معلقتين
معلقه صغيرة صلصه
نص م ص بهارات لحمه
ونسيبهم على الاقل 3 ساعات والافضل قبلها بيوم
نحمي طاسه تيفال
واما تسخن اوي نحط الشرايح ونسيبهم دقيقتين ونقلبهم طبعا سواهم بياخد خمس دقايق
الصوص الي باقي نحط عليهم معلقه نشا مع شويه ميه ونسيبهم يغلوا شويه ونحطهم على اللحمه
اتمنى اطباقي تعجبكم وتقبلوا مروري
لاتنسوا اولادي من الدعاء
.
رد مع الاستدلال
[
الروابط المفضلة