*موضوع متميز*بريانى السمك الخطييييييير ومعاه روبيان مقلى من مطبخ الدكتوره ماما

**الدكتورة ماما** · 31-03-2009, 12:19 AM

بسم الله الرحمن الرحيم

اخواتى العزيزات انهارده قررت اعمل بريانى الرز والسمك ودى كانت اول مره اعمله وبصراحه طلع روعه والفضل يرجع فيه لمنتدانا الجميل اللى خلانى اتشجع واعمله بعد ماقريت كتير عنه وانهارده قررت اعمله بطريقتى وعملت كمان معاه جمبرى مقلى وكان يوم كله فوسفور ههههه
علشان مطولش عليكم نبدا بسم الله
اولا -بالنسبه للسمك انا اخترت سمك مرجان ونظفته كويس جدا وقطعته الى قطعتين

ثانيا-جهزت تتبيله السمك وهى عباره عن
(ثوم مفروم-كمون- بابريكا-ملح-فلفل اسود-بهارات سمك-كركم-خل-ليمون-صويا صوص)

ثالثا-تبلت السمك كويس من الداخل والخارج بالشكل ده وسيبته فى التتبيله لمده نصف ساعه على الاقل

رابعا-حطيت السمك فى الدقيق وقليته

خامسا-نجهز بقى خلطه البريانى وهى عباره عن
(بصل مقطه شرايح-ثوم مفروم-جنزبيل مفروم-طماطم مقطعه قطع صغيره-فلفل رومى مقطع -فلفل حراق حسب الرغبه-جزر مبشور)
معلقتين عصير طماطم
والتوابل عباره عن(ملح -فلفل اسود-بهارات مشكله-كركم -قرفه-كمون-حبهان-قرنفل- لومى مطحون )

سادسا- نبدا بقى الشغل نجيب حله تيفال ونحط فيها شويه زيت ونضع البصل اولا نشوحه تشويحه بسيطه

سابعا-نبدا نحط الفلفل والجزر وبعدهم الثوم والجنزبيل ونقلب جيدا

ثامنا- نحط الطماطم ومعلقتين صلصله الطماطم ونصف كوب ماء ونتركهم عشر دقايق لحد ما يتسبكو كويس

تاسعا- نحط التوابل كلها لحد ما تبقى الخلطه بالشكل ده

عاشرا-وبعد كده نحط السمك المقلى فى الخلطه ونقلبه بهدوء علشان ميتهريش ونتركه على نار هادئه عشر دقايق علشان يتشرب التتبيله وبيبقى بالشكل ده

نجيب كوبايتين رز بسمتى ونسلقهم فى حله اخرى بيها ماء وملح وقطعه زبده وحبهان
وبعدين نحط الرز البسمتى المسلوق على السمك بالشكل ده

وبعدين نجيب نصف كوب ماء ورد بيه زعفران ونضعه على وجه الارز بالشكل ده ونتركهم على نار هادئه عشر دقايق

وبعدين نقلب الحله فى طبق التقديم بحيث يكون السمك على الوجه بالشكل ده

ونزينه باللوز المحمر وده شكله النهائى

ودى صوره تانيه للحلوين

اما بالنسبه للجمبرى او الروبيان كما نقول فى السعوديه نجيبه وننظفه كويس جدا ونشقه من الخلف حتى نزيل سلسله الظهر وبعدين نجهز التتبيله وهى نفس تتبيله السمك

ملح- فلفل اسود -كركم-كارى-كمون-ثوم مفروم-بابريكا-لمون- خل صويا صوص

ونتبل الروبيان جيدا بالشكل ده

وبعدين نحطه فى دقيق بالشكل ده

[center]

ونقليه فى الزيت وممكن بعد مانحطه فى الدقيق نحطه فى بيض وبقسماط ونقليه انا بعمله بالطريقتين وسعات بحط فى البقسماط شطه او بابريكا علشان يبقى سبايسي وبالهنا والشفا ويارب يكون نال اعجابكم

**ام اسيل وايه** · 31-03-2009, 12:22 AM

بسم الله ماشاء الله نموت في حاجه اسمها سمك
تسلم ايدك يارب واسمحيلي

**لالي لافندر** · 31-03-2009, 12:26 AM

اكيد نال اعجابنا

تسلم ايديك يا قمر ابدعت

صحة وهنا عليكم السمك والروبيان

**Manoula Markech** · 31-03-2009, 12:26 AM

يسلموا ايديكي والله يعطيكي العافيه

**الدكتورة ماما** · 31-03-2009, 12:28 AM

كتبت بواسطة ام اسيل وايه

بسم الله ماشاء الله نموت في حاجه اسمها سمك
تسلم ايدك يارب واسمحيلي

بالهنا والشفا حبيبتى كللك زوق

**الدكتورة ماما** · 31-03-2009, 12:30 AM

كتبت بواسطة لالي لافندر

اكيد نال اعجابنا

تسلم ايديك يا قمر ابدعت

صحة وهنا عليكم السمك والروبيان

والله حبيبتى بتحرجونى بكلامكو الجميل ربنا يخليكو ليه يارب

**الدكتورة ماما** · 31-03-2009, 02:11 AM

[quote=Manoula Markech;7848052]يسلموا ايديكي والله يعطيكي العافيه[/

quote]

شكرا حبيبتى تسلملى على زوقك

**DANA 08** · 31-03-2009, 02:15 AM

**شنطة ماركة** · 31-03-2009, 02:40 AM

تسلم ايدك يا قلبي وجاري التنفيذ الحين ههههه (وحدة الجوع ذبحها)

والله يعطيك العافية

**solafjo** · 31-03-2009, 03:06 AM

يعطيكي العافيه يا دكتوره ماما
مبدعه ما شاء الله

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: موضوع متميزبريانى السمك الخطييييييير ومعاه روبيان مقلى من مطبخ الدكتوره ماما

أدوات الموضوع

العرض