*موضوع متميز*وده كان قرارى بعد تفكير عميق ***غدوه من اتنين***
سلامى لكل النعومات
كتير بتعدى علينا ايام واجوزنا يسيبونا فى البيت مع الاطافيل ويخرجوا هما مع اصحابهم
والواحد بيكون قاعدمدخن
فقررت بدل مااعيط
واتنطط و
ابرطم كتير اكون باردهههههههههه
واشغل المخيخ و وصلت ان الحل غدوه من اتنين
الاولى كلنا عارفينهاوهى طقم محاشى من ايدى
ومكونات الطقم بتاعى كان
ورق عنب
بازنجان
فلفل
كوسه
طماطم
والحشو عباره عن
بصل كتير يعنى ممكن نقول مع 6 ك محاشى بستخدم 2.5 ك بصل
وشبت وكسبره وبقدونس
طماطم معصوره
لحمه مفرومه
رز
ملح وفلفل
الطريقه
على ما اعتقد انها عاديه ماعدا فروقات بسيطه منها البصل بقسمه الى جزئين جزء بيشوح فى السمنه الى ان يصبح لونه بنى فاتح وفى نفس الوقت اتبل الجزء التانى بالملح والفلفل والكمون جيدا واضعه على البصل الاول اللى على النار وانزل علطول باللحمه وبعدها الخضار وبعده الطماطم وطبعا كله بياخذ وقته على النار وفى الاخر بضيف الرز واقلبه واتركه دقائق على النار ليتشرب قليلا من التسبيكه
ومع حشو الورق العنب بزود عصير ليمون كتير
ومع الكوسه اولا بقليها قبل الحشو
وبعمل معها صوص ابيض بالكسبره و هو
لبن واضيف ليه مكعبات مرقه علشان اظبط ملحه ونشا حتى يتماسك قليلا مثل الطحينه التقيله وفى الاخر اعمله تقليه توم بالكسبره الخضراواطشها على الصوص الابيض واضعها فوق الكوسه قبل اكلها
وكان معهم لحمه روستو
وتانى اكله كاااااااااانت
فخده ضانى بالمشمش والزعتر مع صينية بطاطس وبصل قاورمه وشوربه بروكلى وارز
اولا الفخده
مكونتها
1 فخده 2.5 ك
5 فصوص توم
1/2 كوب عصير ليمون
2 م ك زعتر اخضر
1/4 ك مشمش
4 م ك زيت زيتون
بصل شرائح
ورق لورا وحبهان
ملح وفلفل
الطريقه
بعمل فتحات فى الفخده واضع بها مزيج من التوم والزعتر والمشمش المقطع والزيت والليمون والملح والفلفل
اضع البصل فى صينيه واضع عليها الفخده وباقى المزيج وورق اللورا والحبهان والزعتر و2 كوب ماء وتغطى بورق فويل وتدخل فرن ساخن على 220 درجه لمدة ساعتين واكشف الورق لتحميرها
ثانيا البصل والبطاطس القاورمه
1/2 ك بصل صغير
1/2 ك بطاطس صغيره ومقشره ومسلوقه نص سلقه
1 ك طماطم معصوره ومصفاه
ملح وفلفل
الطريقه
بقوم بقلى البصل والبطاطس واضع عليهم الطماطم والملح والفلفل ويتركوا على النار حتى التسبيك ويدخلوا بعد ذلك الفرن لتحمير الوجه
ثالثا شوربة البروكلى
وده الرابط
*موضوع متميز*ملفى المتجدد لشورباتى من مطبخ برنسس لك
http://www.lakii.com/vb/showthread.php?t=539412
والحمد لله قدرت ان افوز وانتصر وقعدته فى البيت
لكن متتعشميش ان جوزك يقعد معاكى انت واولادك لأنه يادوب هى كوباية شاى بعد الاكل ومشحتشوفيه الا تانى يوم الصبح
رد مع الاستدلال
[
كتبت بواسطة أم مــــالــــك
الروابط المفضلة