السلام عليكم ورحمة الله وبركاته


اخواتى ... خطر فى بالى الموضوع ده عندما سألت احدى صديقاتى عن طريقة عمل صنف معين واذا كانت تعرف طريقته ام لأ ... عندها قالت لى الجملة دى (ليه تعمليه فى البيت اشتريه من بره) فسألت نفسي السؤال ده ... هو انا ليه بأبحث واتعب نفسي فى حين انى ممكن اشتريه جاهز فوجدت اجابات كتيرة جدا فى ذهنى .... فأيه رأيك تشاركينى وتقوليلى رأيك ايه وايه هتكون اجابتك على السؤال اللى محيرنى ده .

بالعكس انتي لما بتعملي اي حاجه بعمل ايدك بنتبسطي كتيييير ويكون نظيف

السلام اختي
انتي لما بتعملي الشئ بتعرفي مكوناته ونظافته وبتكوني مبسوطه

على حسب الحاجة

فى حاجات مبضيعش وقت فيها وأشتريها

وفى حاجات مبحبش طعمها غير لما تكون من البيت

اختى ام يوسف السلام عليكم ورحمة الله وبركاته

الحقيقة موضوعك لفت انتباهى كتير لانو فعلا مهم وانا كمان حاسة انه سؤال محير؟؟؟!!!
انا فعلا ساعات اعمل حاجات من باب التحدى لنفسى وعلى حسب درجة صعوبة الوصفة وخصوصا لو عندى احد بيحب صنف معين (يعنى اكون شفته فى مطعم او من التلفاز او عند وحدة من الصديقات علطول اطبق واتفنن (واضع لمستى من باب التميز )
وعلى العكس تمام فى وصفات تانية احسها مش مستاهلة التعب وفعلا الجاهز يقضى الغرض يعنى مثلا .....انا بعرف اعمل المايونيز فى البيت ما شاء الله ومش بيفرق فى الطعم عن الجاهز تبارك الله لكن عادة اشتريه لانى اقدر احتفظ فيه لمدة اطول من اللى اعمله بالبيت

ساعات تانية احسبها من ناحية التوفير خاصة انو احيانا بعض الوصفات على طعامتها ونظافتها فى البيت الا انها بتكون مكلفة لما انا اسويها !!!طبعا كلامى غريب بس اقولك مثال عندى التورتة ....لما اعملها فى البيت بحس انها بتكلفنى كتير لان مكونات تزيينها مش متوفرة عندى يعنى لازم اشترى ....شكولاتة... كريمة ....فواكه وكمبوت ...مكسرات لتزيين الجناب ....شكولات فرمسيلى ...واكيد كلما زادت اناقة التورتة كلما زادت تكلفة مكوناتها بالنسبة لى (طبعا كل واحد له وجهة نظر)
سامحينى حبيبتى على الاطالة ولكن الموضوع فتح نفسى على الكتابة ....والسلام عليكم اختى

انا عن نفسي بعمل من باب التسليه ولما بجرب حاجة وتطلع نفس طعم الجاهز بفرح

لكن في حاجات تانيه بتفشل وماتنفعش غير جاهزة من برا

مثلا انا جربت اعمل في البيت السينابون والدونتس

السينبون نجح تماما والدونتس معجبنيش حسيت انه كرسبي كريم لا غنى عنه ههههههههههههه

انا كمان اشوف انو في حاجات لازم تتعمل في البيت عشان تضمني نظافتها وانها طازجة اما مثلا الجاتوه بالكريمة ما جربت اعمله ممكن اعمل سادة زي ما قالت الاخت يحتاج ميت شي نشتريه ونخبص الدنيا وما يستاهل لو اشتريته اوفر بكثير لكن المعجنات والمقالي عملها بسيط واطيب بالبيت

اهلا حبيبتي
اول شي لاني بضمن يكون كل شيء طازج بلاش اشتري طبخه يكون الدجاج او اللحمه مثلجه مثلا
تاني شي انضف وازكى واوفر بكتير وفي شغلات تانيه كتير بس الصراحه عندي شغل كتير وطبخه كبيره اليوم مش مركزه كتير سامحيني

السلام عليكم ورحمة الله ..ز


اخواتى اسعدنى سعادتكم بموضوعى .... وكان حقى عملته استفتاء أحسن ولكن حبيت كل واحدة تقول رأيها بإستفاضة .. . وانا رأيى انه اللى مش هنقدر نوفر فيه نشتريه من بره أحسن زى التورتات والجاتوهات وبعض الحلويات ... يعنى أعطى الخبز لخبازه.

اختى شكرا على طرح الموضوع للنقاش عن نفسى نفضل انا اتفنن فى اطباقى بجميع انواعها ونحس بفخر وسعادة لما نسمع كلمة مدح من الاسرة اوالاقارب او الاصدقاء ولو جربت صنف وفشل نكتئب بصدق زي ماصار معى فصنف الحلو البقلاوة الليبية بس فى اخت لفتت انتباهى لماتكلمت على المايونيز والكريمات والشوكولا الخاصة بتزيين التورتات يعنى راييى لو حد عنده زيارة يشتري تورتة جاهزة اشيك واقل تكاليف على عكس لوكان عنده ضيوف او حابب يحلى بيها مع افراد اسرته واسفة على الاطالة