السلام عليكم ورحمة الله وبركاته

اخواتى طبعا معروف ان الكوسه مفيده جدا ومحبوبه خصوصا من الآطفال لسهوله اكلها وطعمها الرائع
واليوم حبيت انقل لكن طرقتى فى عمل صنيه الكوسه بالبشامل اتمنى تكون سهله

المقادير

كوسه مقطعه شرائح طوليه
لحم مفروم معصج
مقدار كافى من البشامل
ملح - فلفل

نتبل الكوسه بالملح والفلفل
ونرص نصف المقدار فى الصنيه

بعدها نحط اللحمه المفرومه بالشكل ده ونعمل حاجز كده بالكوسه من الاطراف

بعدها نرص باقى شرائح الكوسه بالشكل ده

بعد كده نضع الصنيه على النار على البتجاز من فوق حوالى نص ساعه مع الملاحظة عشان الكوسه هتنزل مايه كتير واحنا عايزين المايه دى تنشف شويه بعد الخطوه دى نحط البشامل

وحطيت عليها قطع زبده على الوش ونحطها فى الفرن وده شكلها بعد ما استوت

وده الشكل النهائى

وتتاكل بالخبز مع السلاطه والمخلل

اتمنى تكون طريقه سهله وتعجبكم

ماااااشاااااااء الله تسلم الايااااااادي
وبالف هنا وشفا
وانا هاخد دي

بسم الله ما شاء الله

انا بقه هاخد الطبق ده عشان شكله تحفه

تسلم ايدك يا قمر

يسلمو ايديكي شكلها بيشهي

ماشاءالله يا حبيبه

تسلم ايديك بجد شكلها تحفه
مع العلم مش بحب الكوسا ابدا بس انت عملاها شكلها جنان والله تسلم ايديك

وربنا يفك كربك ويفرج همك باذنه تعالي

تحياااااااتي .....،،،،

ويارب يفرج كربك ويزيل همك يارب العالمين
اسفه حبيبتي ماخدت بالك انك طلبتي الدعاء
ويارب يستجيب مننا وخير ان شاء الله
تحياتي لكي

الله يجزاك خير

جزاكى الله خيرا انا هعملها وهعدعيلك ربنا يحفظك يا رب

معلش عندى سوال محطها اد ايه فى الفرن

تسلمى حبيبة على احلى صنية كوسه بالبشاميل
شكلها لذيذة .............................................
ربنا يفك كربك ويصرف عنك انه ارحم الرحمييييييييين