تويت
*موضوع متميز*ياناس ياعسل الحمام والبط وصل من مطبخ حبيبه وكمان بالصور...
اخواتى اعزاء
جيبالكم النهارده اكلتين بحبهم جدا جدا ولأن امى الغاليه عارفه كده بعتت لى بط وحمام مع اخى القادم لى من ارض الوطن الحبيبه
نشوف بقى الحمام والبط
نشوف بقى الحمام والبط
المقادير
حمام طبعا مغسول كويس
كبد وقوانص الحمام مغسوله ومقطعه
بصل
ثوم
جنزبيل
مرقه دجاج
بهارت مشكله - كزبره ناشفه - فلفل اسود _ خليط قرنفل ورق لورا ريحان نعناع حبهات قرفه بردقوش ..... كلهم مطحونين
فريك مغسول كويس جدا جدا
كبد وقوانص الحمام مغسوله ومقطعه
بصل
ثوم
جنزبيل
مرقه دجاج
بهارت مشكله - كزبره ناشفه - فلفل اسود _ خليط قرنفل ورق لورا ريحان نعناع حبهات قرفه بردقوش ..... كلهم مطحونين
فريك مغسول كويس جدا جدا
طريقه الفريك انا نزلتها قبل كده فى اكله وادى الصور
نبدا نشوح البصلة فى قطعة زبده او سمن زى كده
نضيف الجنزبيل والثوم المطحون ونقلب شويه
بعدين نحط الكبد والقوانص المقطعين ونقلب شويه
بعدين نضيف الفريك ونقلب الخليط كله
نضع كوب ماء ومكعب المرقة الدجاج نتذوقه اولا بعد زوبان المكعب ثم نرى ان كان بحاجة الى ملح ام لا ونترك الخليط يتشرب
وده الفريك بعد ما نضج نصف نضوج وبصراحه كان نوعيه الفريك المره دى احلى من الصور اللى فوق
ونبدأ نحشى الحمام بالشكل ده وكمان نحشيه من الزور ونقفله بالخياطه
وهنا بعد ما حشيت الحمام كله وقفلته
انا بقى ياجماعه مش بحب اسلق الحمام بمعنى السلق لان عايزة احتفظ بنكهته ودسامته البسيطة مترحش فى الشوربه بس برصهم فى صنيه مع 2 كوب ماء واقطع عليهم بلصه جوانح وطبعا ورق لورا وحبهان زى السلق بالشكل ده
واحط الصنيه على النار من فوق شويه واغطيها بالفويل لحد ما الحمام يتشرب المايه بالشكل ده
واحده من الحمام طقت فا لحقتها ولفتها بورق فويل ههههه
كده الحمام اتشرب المايه بتاعته أدهنه بقى زبده او سمن واحطه فى الفرن يكمل سواه ويتحمر وده شكله النهائى
ودى صوره اقرب عشان الحبايب
اما بقى البطه
فا عملتها بالطريقه العاديه لكن بحب قبل ما اسلقها اتبل البطه من جوه بمفروم بصله وثوم وجنزبيل وبهارات واقفلها بالخله واسلقها السلق العادى وبعد ما تستوى ادهنها سمن بسيط واحطها فى ا لفرن وده الشكل النهائى
يارب اكلى يكون عجبكم ولا تنسونى من صالح الدعاء
تعليق