يا بنات المنتدي كبة الرز االفلسطينيه وصلت(فلسطين نبض قلوبنا)
السلام عليكم ورحمه الله وبركاته
[right]اليوم اخواتي العزيزات بالمنتدي عامله الكم كبه الرز باللبن وهاي الاكله تعلمتها من والدتي الله يرحمها وكانت تحكي النا انو لما بيعملو عزومه لازم تنعمل هاي الاكله انا من بلده يعبد قضاء جنين وبلدتي بتشتهر بالزيتون والزيتوزراعه الدخان وسهولها الخضراء
بسم الله نبدأ
المقادير
كيلو لحم عجل من غير دهن ويفرم علي الماكنه اللحم 3 مرات ناعم لو ما فرمتيها 3 مرات راح تفرط
كاسه رز كبيره
نص كيلو لحم مفروم خشن
راس بصل مفروم ناعم
2كيلو لبن او(3 كيلو مخيض)( او علبه لبن وكيلو ونص مخيض )
3 ملعقه نشا
ملح وفلفل اسود
يلا يا بنات الي الشغل الجد
- تجهيز الحشوه وهي اللحمه المفرومه نوضعها في الوعاء علي النار ونوضع البصل فوقها ونحركهم حتي ينضجو ونملح حسب الرغبه وملعقه صغيره فلفل اسود ونضعهم جانبا حتي يبرد
- نخلط الرز مع اللحمه المفرومه 3مرات في وعاء ونضع ملح حسب الرغبه
نبدا بعمل حبات الكبه مثل كبه البرغل ونحشيها باللحمه الي طبخناها مع البصل
تقريبا المقدار بيعمل 30 حبه الي 35 حسب اليد الي بتعملها
- وبعد ما تنتهي من التكبيب بتوضعيهم في صينيه علي الشوايه الي فوق في الفرن حتي يتماسك اللحم مع بعض مش تحميريعني تقريبا
- والان دور اللبن نوضع اللبن مع النشاء ونخلطهم مع بعض ونحطهم علي النار وبنحركهم حتي يغلو
-وبنوضع الكبه الي نشفناها بالفرن علي اللبن ونخليهم يغلو لمده ساعه تقريبا ونضيف كاستين ماء حتي لا تكون كثيفه ونوضع الملح اذا لزم ملاحظه ما تغطي الوعاء نهائيا حتي بعد الاستواءلانه بتفرط الكبه
وتقدم مع الرز الابيض او الاصفر وصحتين وعافيه ما تنسي اترشي نعنع ناشف فوق صحن اللبن
ملاحظه: ممكن عمل صلصه طمام مرق بدل اللبن هيك بيعملوها اهل سيله الظهر وطيبه كمان
ما تنسوالدعاء لوالدتي بالرحمه وجميع اموات المسلمين
طبعا حاولت انزل اصور ما عرفت ولا باي مركز تحميل الي ممكن تساعدني جزاها الله كل خير
رد مع الاستدلال
كتبت بواسطة خادمة القرآن
الروابط المفضلة