السلام عليكم ورحمة الله وبركاته
ازيكم جميعااااااااااااااااا
عملت طبق لذيذ جدااا وهو من تأليفى ولما سألنى جوزى اسمه ايه معرفتش أرد يعنى هو زى كبسة الفراخ بس بالمكرونة مش بالأرز ويشبه للنجرسكو شوية مع اختلاف فى التفاصيل ... المهم هو طلع طعمه يجنن والدليل ان الصينية اتنسفت والحمد لله وياللا تعالوا شوفوه


المقادير
فرخة مقطعة 8 قطع وبدون الجلد
كيس مكرونة
صلصلة بشاميل
بصلة مفرومة للتتبيل + كارى وملح وفلفل و+ عصير ليمونة

الطريقة
1. تبلت الفرخة المقطعة جيدا وتركتها حوالى ساعتين لتتشرب التتبيلة وبعدين حطتيها فى حلة بالتتبيلة بتاعتها وغطيت على الحلة حوالى 10 دقايق ، وهمنلاقى انها استوت وعملت صوص لونه أصفر (من الكارى)
2. عملت صوص بشاميل وأضفت عليه الصوص اللى نزل من الفراخ (وده سر الطعم المميز للطبق)

3. سلقت المكرونة وغمرتها فى صوص البشاميل المخلوط بصوص الفراخ

4. وبعدين رصيت الفراخ فى صينية مدهونةوحطيت عليها المكرونة وفوق الوش رشيت بقسماط وشوية زبدة


5. ودخلته الفرن مش تخليه كتير لأن كله مستوى يعنى 15 دقيقة


6. وده شكل الفراخ تحت المكرونة


7. وده الطبق اللى نسفته ياللا اتفضلوا

أدعوا لوالدتى بالرحمة والمغفرة
جزاكم الله كل الخير

معلش يا جماعة على حجم الصور اللى يخوف ده نسيت أصغرهم .....

تسلم ايديكي شكله رهيب والله
راح اسميه معكرونه بالكاري والبشاميل
الله يرحم والدتك

يسلموووووو ^_^

ما شاء الله
فكرته لذيذة جدا جدا
تسلمى يا قلبى
وراح ألطش أنا الطبق
بس ده صغير قوى موش قصدى حجم الصورة لااااااااااااااااااااااا قصدى محتويات الطبق
إنت عاملة ريجيم واللا إيه


وفعلا نسمية نجرسكو بصوص الكارى ممكن برضه إيه رأيك؟

الله يرحم والدتك وأموات المسلمين جميعا

تسلم يدكِ عزيزتي على الوصفه الطيبه

بسم الله ماشاءالله عليكى

وتسلم الايادى الجميلة

والف هنا وعافية على قلوبكم يارب

والله يرحم الوالدة وجميع موت المسلمين امين يارب العالمين

انا حسة انة طعمة حلو قوى قوى ولو رشينى شوية جبنه مبشورة فوق الوش حيبقى رائع(هو اصلا رائع من غير اضافتى )بس دية لمسة خفيفة منى وراح اسمية(طاجن مكرونة ام يوسف)ودية اطعم واحلى تسمية للطبق

تسلم ايدك وصفة شهية فعلا وشكلها لذييييييييييييييذة تسلم ايدك ياام يوسف الف صحة وهنا

ماشاء الله
طبق شهي جدا
الله يسلم هالديات