السلام عليكم ورحمة الله وبركاتة
النهاردة عملت اكله جميلة جدا وسهلة وسريعة لانى زهقت من الفلية التقليدى
بس تبلت الفراخ من امبارح
ببصل وفلفل اسود وملح وجنزبيل مطحون
وتحضرى ماشروم
وبصلة
جرين كارى
فصين ثوم مفرومين
نصف كباية لبن
معلقة كبيرة دقيق
جرين كارى معلقة ك
نصف ليمونة
معلقة كبيرة فلفل اسود
فلفل حلو اى كمية
معلقة زبدة صغنونة اوى
الاول بنشوح الفراخ فى الزبدة فى طاسة ومعاها نصف ليمونة ومعلقة كبيرة فلفل اسود
فى وسط التحمير وقبل ما تستوى بنحط معلقة ثوم وبعد ما نحس انها استوت هى كدة كدة بتنزل مايتها علشان متفتكروش ان الزبدة قليلة لا خالصصص
وبعدين نطلعها على جامب ونحط البصل فى نفس الطاسة يصفر وبعد كدة الفلفل ثم الماشروم وبعدين الكارى
وبعد كدة نحط معلقة الدقيقة ونقلبة شوية ونحط اللبن ونقلب ولما تغلى نرجع الفراخ تانى
تاخد غلوتين بس على نار هادية اوى المفروض كنت عملتلها ارز بسمتى بس كان عندى شوية ارز بالشعرية فكسلت وقلت دى يقضى الغرض
بس مع البسمتى احلى بكتير الاكلة دية بتفكرنى بطعم الاكل التيلندى
بجد جميلة جدا وسيبكم مع الصور
دى الفراخ بعد ما اتشوحت
هنا البصل وهو بيصفر
وهنا لما حطينا الفلفل والمشروم
وهنا مع الارز
يا رب يكون عجبكم افكارى
واول رد لها الطبق دة
ودة من قريب
بس بليز كل اللى يدخل يدعيلى انا واسرتى ان ربنا يبعد عننا الشر
*طبق متميز*صدور فراخ بالليمون والجرين كارى من اختراعى
رد مع الاستدلال
كتبت بواسطة لالي لافندر
]
الروابط المفضلة