اليوم طبخت مجدرة بالبرغل ومجدرة بالرز و صورت الطبقين و حبيت أنزل صورة الطبقين بس سألت حالي تحت اي عنوان أنزلو فاخترت طبق سوري - فلسطيني مو بس لأنو الطريقتين متل بعض .. كمان لأنو الشعب السوري و الفلسطيني من زمااااااااااااااان كان بينهم لحمة و صلة و روابط قوية ما فرقتها الأزمان و لا الحدود و لا الأوقات العصيبة و دايما رح تضل فلسطين نبض قلوبنا
كتير من أطباقنا بتتشابه إلى حد كبيرمع بعض بس أكتر الشبه بنلاقيه بالحلويات
ما رح كتر حكي و رح نرجع لموضوع المجدرة
بالنسبة لمجدرة البرغل
بعد ما نسلق العدس تلات أرباع السلق نضيف عليه البرغل بعد تنظيفه و غسله و نطبخ
بوعاء تاني بنحط كمية من زيت الزيتون و ينقلي فيه بصل جوانح حتى يتحمر لما ينضج البرغل بنحط عليه الزيت اللي قلينا فيه البصل و بنتزكو يتهدا
بنسكب المجدرة بالصحن و ينزين بالبصل المقلي
[IMG]
[/IMG]
مجدرة الرز
ينقع الرز
نسلق العدس حتى يقارب النضج
بعد غسل الرز نضعه فوق العدس و نضبط كمية الماء و الملح اللازم و نطبخ
نقلي جوانح البصل بالزيت أو السمن و عندما يقارب الرز على النضج نسكب عليه زيت القلي
يسكب بالطبق و يزين بالبصل المحمر
[IMG][/IMG]
بنقدم السلطة و المخللات و اللبن العيران بجانب المجدرة
ملاحظة عند سلق العدس يجب عدم إضافة ملح لماء السلق
رد مع الاستدلال
[
]
الروابط المفضلة