بسم الله الرحمن الرحيم
مساء الخير على مشرفاتنا واحلى عضوات واخواتي الزوار
كيفكم ...
بصراحه حبيت اشارك معكم في هالحملة اللي ما شاء الله الاخوات ما قصروا فيها والمشاركات كانت كلها احلى من التانية
اما بالنسبه لهادا الطبق اليوم فهو طبق جدا مشهور عنا بفلسطين وكان يقدم كوجبة رئيسية على المائدة الفلسطينية ويؤكل بالخبز يعني (غماس) طبعا الطعم بالخيال ما في مجال للوصف ..
المقادير :
- 1/2 كيلو لحمة مفرومة حمراء
- 1/2 ضمة بقدونس
- 1 راس بصل
- 2 حبة بندورة حمراء
- 2 حبة بطاطا كبيرة
- بهارات للكفته او اي نوع بهار بتفضله ست البيت
- 1 م ك رب البندورة
- ملح + فلفل اسود
الطريقة :
- تفرم ضمة البقدونس ناعما جدا ويفرم البصل ايضا ناعما جدا
- نضيف البصل والبقدونس على اللحمة المفرومة ونضع عليها الملح والبهارات
- ثم توضع بالثلاجة مدة نصف الى ساعة كاملة
- تفرد اللحمة بالصينية ونعمل فيها كم فجوة صغيرة ونضيف قليل من الزيت يعني شي 2 م ك زيت زيتون
- - تقطع حبات البندورة دوائر كبيرة وايضا حبات البطاطس دوائر كبيرة وتقلى حبات البطاطس بالزيت ثم تصف حبات البندورة البطاطا على وجه الصينية
- ناخذ نصف كوب ماء ونضع فيه رب البندورة وتخلط جيدا ثم تضاف على الصينيه
- توضع بالفرن مدة ساعة الا ربع او نص ساعة
- نخرجها من الفرن وتقدم ساخنه
- تقدم مع الزيتون ومع صوص الطحينية وخبز ساخن ..
وصحة والف هنا ...
رد مع الاستدلال
كتبت بواسطة amal250
الروابط المفضلة