بسم الله الرحمن الرحيم
السلام عليكم ورحمة الله وبركاته
امبارح للي حضر فتافيت شاف الشيف البريطاني الاشقر شو اسمه؟........ايوا جيمي اوليفر
وشو كان يطبخ؟.
زهرة بس شو زهرة طالعة معه؟
زهرة لونها اخضر
هرة لونها احمر
زهرة لونها ابيض
وطبخ وعجق الدنيا
وقلت في بالي يعني طبخ كل اشييييييييي
اجى على يخنية الزهرة الخليلية وماطبخهاش؟
قمت انا طبختلكو اياها
ياللا كل وحدة تحط مريولها وتتفضل على المطبخ وراي
بسم الله نبدأ
بدنا اول شي نقلي الزهرة
ونحضر المرقة (جاج ولا لحمة زي ما تحبي)
ونحضر البهارات ملح وفلفل وكمون وبهار حلو
ونديرهم فوق المرقة ونخليهم يغلو اشوية
وننزل الزهرة المقلية فوق المرقة
واذا احتجنا مية شوية مش مشكلة نزيدها انا احتجتها والله
ونتركها تغلي وبعدين نهبط الغاز
نحضر القدحة تومة وكزبرة ناشفة واذا في كزبرة خضرة احسن طبعا
ممممممممم ما الذ الريحة في هاي الخطوة
وهون انا باخد شوية مرقة وبسكبها في المقلى تاع القدحة عشان ياخد كل الطعمة اللي بالمقلى ما نخليش اشي ونعاود نرجعها على الطنجرة
ونتركها على جنب ونحضر الرز هلاء
بعد ما ننقعة نص ساعة بمية باردة او وربع ساعة بمية سخنة..........نغسلة خمس مرات من النشاء
نقلية بشوية زيت بقاع الطنجرة
وبس تتغلف حبات الرز بالزيت نضيف البهارات ملح وبهار حلو ودقة
ونقليهم كويس .................بس اوعو يلزقو معكم
وبعدين ندير المية السخنة
ونستوي الرز عادي بشكل طبيعي
وبس هذا هو...............صحن رز وصحن يخني وصحتين وهنا
وتنسوش ترشولكو شوية كمون ولا فلفل اسمر على وجه اليخنية ممممممممم ازكى
وبس هذا هو
وكل سنة وفلسطين بخير وسلامة
تحياتي واحتراماتي
الماسة
ام سهام واسيل
رد مع الاستدلال
كتبت بواسطة تغريد2007
]
الروابط المفضلة