السلام عليكم ورحمة الله وبركاتة
ازيكم يا بنات عايزة اوريكم غدانا النهاردة كان اية
طبعا بنعمل الصلصة معلقة سمنة او زيت ومعاها ثوم مهروس وبنطشها بالخل وبعدين بنحط عصير الطماطم
وبنسلق الكوارع اول سلقة بعد الغسيل وبنغير الماية ونحط ماية غيرها ونحط التوابل بتاعتنا وبصلة مقطعة وجزرة مقطعة وطماطم مقطعة ونسيبها فى الحلة الضغط
لحد متستوى ونعمل الارز
معلقة سمنة كبيرة وبنحط كمية الارز كلها بعد الغسل ونقلب لحد ما مايتة تتشرب وبعدين نحط ملح وسنة فلفل اسود ونحط ماية مغلية ولما يشرب الماية نوطى النار
وفى ملحوظة المفروض الاكلة دية بتاخد سمنة اكتر من كدة بس انا مببحبش السمنة كتير مش ناقصين تخن
وكمان المفروض بعد ما بنغرف الطبق بنعمل طشة تانية معلقة سمنة صغيرة معاها ثوم لما يصفر نطشة بالخل ونحطة على وش الفتة
بس كدة هيبقى دسم موت
اسيبكم بقى مع الصور واى خدمة انا موجودة
دية الصلصة بعد خلاص متسبكت شوية مش قوى
ودة الارز قبل ما احطلة الماية
وهنا شوربة الكوارع بعد ما استوت
واتفضلوا معانااااااااااا
يا رب يكون عجبكم
الروابط المفضلة