*موضوع متميز*دجاج مشوي بالثوم...ومدخن كمان.........مع ملحقاته...بالصور التفصيلية
ازيكم يا حلوين....من كم يوم عملت غدا...كان عبارة عن دجاج مشوي ومتبل بس بتوم مفيش فيه بصل...و خفيف جدا من غير اي دهون حتى جلد الدجاجة شلته..وعملت معاه مكرونة بسيطة جدا وسلطة خضرة وطحينة اتفضلو...شوفو
نيجي للدجاج.......المقادير وبعدين الطريقة.....
دجاجة مقطعة اربعة(انا عملت دجاجة و ربع على عددنا يعني)
راس ثوم متوسطة
بهارات مشكلة-زنجبيل مطحون-ملح-ملعقتين مستردة-نص م كركم-لمونة ونص كبار
الطريقة:
نغسل الفراخ كويس اوي...ونشيل جلدها عشان تكون خفيفة وطعمة....ونعمل شقوق فيها عشان التتبيلة تتغلغل جواها
نفرم التوم ونحط البهارات كلها و نعصر الليمون
نتبل الفرخة بالتتبيلة السابقة ليوم كامل
تاني يوم نحطها في صينية وعلى البوتوجاز من فوق مش في الفرن نحطها لحد ماتستوي تلات ارباع سوا...وطبعا نغطي الصينية بفويل او غطاء عشان تستوي من كل الجهات
دلوءت نجيب ملعقتين صلصة (انا كنت عاملة صلصة طماطم للمكرونة خدت منها ملعقتين)
ندهن بها وش الفرخة ....وتدخل الفرن عشان تتحمر من فوق وتاخد اللون البراون الجميل
وبعدين عشان ندخنها وتكون فيها طعم وريحة الفحم.....نحط الفحمة المولعة في قلب الصينية كده......ومعلقة سمنة عالفحم ونقفل بالغطا بسرعة عشان الفراخ تاخد طعم الفحم(الحركة دي متعلماها من المنتدى الجميل لك)
وبس كده......الفراخ استوت وشكلها
.................................................. .................................................. .
المكرونة بئى.....طبعا بسيطة وكلكم عارفينها بس عشان المبتدئات يعني...وفي الاعادة افادة وكده حبيت اوريكم طريقتي في المكرونة العادية المصرية اللي بصلصة...
المقادير:
طبعا مكرونة مسلوقة(انا عملت كيس ونص ...الكيس حوالي 400 جم)
خمس طماطم كبيرة معصورة-نص راس توم فروم-كسبرة مقطعة صغير-فلفل حار مقطع -ملح وبهارات
نـــحط في حلة حوالي ربع كوب زيت ونضيف الطماطم المعصورة والتوم والفلفل والملح والبهارات .....ونسيبها لحد ماتنشف
لما تتسبك.......نضيف المكرونة المسلوقة والكسبرة الخضرة
ونقلب كويس.....ونسيبها ونروح نعمل الطحينة.......
الطحينة حوالي :.
ربع كوب طحينة سايلة-3 فصوص توم مهروس-ربع كوب ماء-ملح وبهارات..كاري هندي-شبت مفروم-عصير نص لمونة كبيرة.....
الطريقة:نخلط المقادير كلها ببعض كويس ونقلب لو الطحينة لسه تقيلة نضيف كم نقطة مياه لحد ما تكون بالكثافة المطلوبة..........وبس..........يارب يكون غدا اول امبارح بتاعنا عجبكم هههههه
وبالهناااااااااااااااااااااااااا يارب
رد مع الاستدلال
[
الروابط المفضلة