السلاااااام عليكم
اليوم حابه اعرفكم على محشي البطاطا
ان شالله ينال اعجابكم
المقادير :
بطاطا متوسطه الحجم دائريه الشكل
لحمه مفرومه ناعم (كفته)بدون بقدونس طبعا
بصل مفروم ناعم
بهارات(ملح. فلفل اسود.بهار.قرفه.)
وزيت غزير للقلي
مكعبات ماجي او مرق
ماء
صنوبر مقلي
الطريقه:
اول شي بنفرم اللحمه وبقليها عالغاز حتى تنشف
وبضيف البصل المفروم مع قليل من الزيت حتى تنضج
وبضيف البهارات وصنوبر مقلي حسب الرغبه
تصبح اللحشوه جاهزه كما الصوره
بنقشر البطاطا وبنحفرها وبنحشيها باللحمه
وبنقليها بزيت غزير حتى يصبح لونها ذهبي
وانا بقلي اللب وبحطو بقاع الطنجره او بصحن بايركس اذا بدي احطها بالفرن
انا اليوم بدي احطها بالفرن
قليت لب البطاطا وحطيتو بقاع الصحن وحطيت فوقه البطاطا المقليه
وهلا بعد ما انتهيت من قلي جميع حبات البطاطا
وصفيتهم بضيف الماء ومكعبات الماجي
يعني حوالي اربع كاسات ماء يعني
تغمر البطاطا ومكعبين ماجي
وممكن اضافه الماء اذا احتاجت وهي بالفرن
يعني بتحتاج حوالي 20 الى 30 دقيقه بالفرن متوسط الحراره
وبتكون جاهزه للاكل وهي الصور بعد نضوجها
[url=http://www.rofof.com]
[/url
وصحه وهنا
ان شالله تجربوها وتنال اعجابكم
ملاحظه:ممكن وضع البطاطا في طنجره وتغميرها بالمرقه
وممكن بهاي الطريقه السابقه بالفرن حسب الرغبه
لكن انا بفضل هاي الطريقه حتى ما يزيد مرق ونضطر نكبه
هيك المرق بخلص مع المحشي
وصحه وهنا
رد مع الاستدلال
.
الروابط المفضلة