وبناءا على طلب الجماهير
إقبلوا عزومتى عليها
فتة مصرى بالخل والتوم
المقادير
عيش شامى
رز أبيض مصرىمطبوخ عادى
شربة لحمة (أنا كنت عملاها م أرانب)
خل
ثوم
سمنة بلدى أو زيت نباتى زى ما تفضلوا
الطريقة
1- نحضر طبق ونضع به الخبز بعد تقطيعه لقطع صغيرة
2- ثم نضع عليه كمية من الشربة حتى يتشربها ويصير لين
3- ثم نضع عليه طبقة من الأرز المطبوخ سابقا
4-بعد كده نكون مجهزين على النار السمن ونشوح فيه الثوم المفروم حتى يحمر ونطفى عليه ونضع عليه خل كتير، ساعتها هتشمه ريحة ما بعدها روعة
5- بعدين نضع طشة الثوم على ونوزعها على وش الأرز
ويقدم ساخن
وبالهنا
بطاطس باللحمة الضانى فى الفرن
المقادير
لحمة ضانى بعضمها
بطاطس مقطعة مكعبات
قليل من زيت الزيتون والخل
ورشستر شاير صوص
صويا صوص
ملح وفلفل
قرفة وكسبرة مطحونين
الطريقة
1- نتبل اللحم قبل بيوم ( قليل من زيت الزيتون والخل ،ورشستر شاير صوص ،صويا صوص ،ملح وفلفل ،قرفة وكسبرة مطحونين)
2- عند الطهى نضع معهم مكعبات البطاطسونقلبهم مع بعض
3-نضهم فى كيس الشوى الخاص بالفرن ونعمل فتحات فى الكيس
4- نضعهم فى فرن على 200 درجة حراريةلمدة ساعة على الأقل على حسب كمية اللحم اللى إحنا وضعناها
وتقدم ساخنةمع الإستمتاع بالرائحة الزكيةوالطعم الشهى
وبالهنا
محشى باذنجان وكوسة ولا أطعم من كده
المقادير
باذنجان وكوسة متوسطى الحجم ، وعدد قليل من الفلفل الأخضر بيعطى طعم ورائحة للطبق روعة
رز مصرى مغسول
حزمةمن كل من( شبت ، بقدونس ، كسبرة)مفرومين ناعم
( ملح وفلفل ،كمون ، بهارات، شطة)
طماطم وصلصة طماطم
بصل مفروم
شربة
سمن بلدى + زيت ذرة
الطريقة
1- على النار نضع السمن والزيت ثم البصل المفروم إلى أن يحمر ونضع عليه مكعبات الطماطم المقشورة وصلصة الطماطم والتوابل، ونتركهم إلى أن تتسبك الطماطم ، يعنى تطلع السمنة على وش الطماطم من فوق، ثم نطفى النار عليها ونتركها تبرد.
2- نضع عليها الشبت والبقدونس والكسبرة المفرومين ناعم ونقلب الخليط
3- ثم نضع الرز ، ونقلب كويس ، وبكده يكون خليط الحشو جاهز.
4- نحشى الباذنجان والكوسة والفلفل الأخضر ونرصهم فى وعاء غويط ( حلة)
5- نضع عليهم الشربة حتى تغمرهم وتعلو على السطح بقليل
نضعهم على نار عالية حتى تغلى الشربة، ثم نهدئ النار ونتركة يستوى على مهله
6- من حين إلى آخر نشوفه لو إحتاج شوربة نزوده
ويقدم ساخن وبالهنا على قلوبكم
وأى سؤال أنا موجودة
*موضوع متميز*****إتفضلوا كلكوا معزومين على أطباقى فى بيتى فى مصر*****
رد مع الاستدلال
]
الروابط المفضلة