السلام عليكم رجعت ولكم مع اكلات من مطبخي وياريت تعجبوكون
انت عارفين الي صار في هههه ماعاد متل اول اقدر احط اكلات دائما
وخجلانة من حنان وسلامي لها الحار

نبدا في الطبخات
الاولى
كباب باذنجان
اكلة طيبة كتير ومشهورة في حلب
مو عنا للامانة ههههههه وانا حبيتها كتير وعملتها
المقادير كيلو ونصف باذنجان
طماطم نصف كيلو
وبصليتن
ونصف كيلو لحمة مفرومة مع البهارات معجونة ومع البصل كمان
اولا الطريقة
نغسل الباذنجان ونقطعه شرائح مدورة بدون تقشير
ونقطع البندورة دوائر
واللحمة منعملها دوائر كمان
ومنحط صف باذنجان وووراها لحمة ووراها بندورة هيك لحد ماتخلص الصينة وحطيها في الفرن نصف ساعة وطبعا الباذنجان يكون مقلي طبعا بيطلع اطيب
وطيبة كتير كتير

وهاي الصور لكم

الان الطبخة الثانية
للاسف ماعندي وقت حط فواصل واشكال والوان هههه
الكسكسي هو تونسي بس انا بموت فيه وومن زمان نفسي اجربه
وشفت طريقة ام ليانة عملتها نفسها بالظبط

المقادير

الكسيكسي بجيبوه جاهز وبحط عليه مرج الدجاج او الحمة وبيستوي لمدة عشر دقائق وبس
والصور بتحكي لحالها واي سؤال انا جاهزة

هون حطيت طماطم عصير
بعد الكل وخليتهون نصف ساعة واصبحو جاهزين
طبعا حطيت شطة لان كل ماكان حد يعني حار كل ماكان اطيب
وهون زوجي ماخاني زين الصحن قلي ادليقيه فوق بعض وهاتيهون ههههههه وخلص

وصحة وهنا بس بالفعل مافي اطيب من الكسكسي

الاكلة الثالثة وهي الازانيا وطبعا اكلة معروفة وانا راح قلكون طريقتي

المقادير
شرائح لازانيا
باشميل حليب وطيحين وبدة
زيتون
جبنة بشر للوجه
وبصليتن وطماطم علبة كرتون سائل
واوريكانو زعتر اخضر يعني وتوم يابس وملح ولحمة نصف كيلو
الطريقة
انا مابسلق شرائح الزانيا ابدا اطيب ومابعمري جربته اصلا مسلوق

اول شي افرم بصلتين وبعد ما يستو بحط اللحمة ومنقلبها لحد ماتستوي يعد ذلك نضع البندورة السائل والملح والزعتر الاخضر بتعطيها نكهة روعة الالمان هون بيعملوها هيك
والان اعمل الباشميل انا ما بحبوه كتير ولا زوجي اعمل كاسة مو كبيرة
اول شي بحط زبدة وبعدين 3 ملاعق طحين وبعدين الحليب وبضل بحرك هيك ليصير

والان نحضر صينية او صحن بايركس نضع اول طبقة البندورة واللحمة
وبعدها نضع شرائح لازانيا على الصينة
وبعدخا كمان بندورة ولحمة وبعدها شرائح لازانيا وبعدها بندورة وبعدها شرائح لازانيا واخر شي نضع فوق الشرائح الوانيا الباشميل وفوق الباشميل انا بحط زيتون اسود بيعطيه نكهة طيبة كتير
وفوقه الجبنة وبحطها بالفرن ثلاث ارباع الساعة وبس وصحة وهنا

والان مع الصور

هون اخر طبقة والباشميل والزيتون
هون لجبنة

هون لما استوت

وهاي القطعة لام هباش ههههههه

وهاي الصينة لتاني رد ههههه

والان ناتي للسمك

اي نوع سمك عندك انا بتبلو قبل بنهار بفليلفة حمرا وتوم وبصل ملح وقرفة شوي وكاري شوي وفلفل وزنجبيل مطحون وخل طبعا
تاني نهار بترم بطاطا شرائح وبحط السمك المتبل والنظيف فوقه وبدخله الفرن لحتى يستوي وشو بيطلع طعم عليه ولونه رائع
وهاي الصور

وبد ما يستوي بكون عاصرة ليمونتين وبحطهون عليهون بعد خروجهون من الفرن

الان ناتي للفرخة او الفروج المشوي بالفرن مع تتبيلة جنة والطعم بيجنن

اولا نكون مطلعين الفروجة قبل بيوم ونغسلها جيدا بخل وطحين وشامبو ه خخخخ قصدي بكلشي وتتطلع بيضة وحلوة
المهم بعدها انا بحط عليها اول شي زيت زيتون مشان يغب التوابل وبعدها فلفل وملح وكاري وقرفة وزنجبيل وقرنفل وشوي لين مو حليب لبن واخر شي بحط سماق وعلى البطاطا سماق وبحط تومة كمان
وبتركهها في البراد لليوم الثاني
وفي اليوم الثاني بحط البطاطا وبتبلها ممان بفليلفة حمرا وملح وكمون
وبحط فوقها الفرخة ونضعها في الفرن
شي ساعة ونصف بعد ساعة ونصف بدهننا بدبس الفليلفة او بندورة سائل او يابسة
وبتتحمر وبتصير طيبة كتير وبكون عاصرة ليمون كمان وبحطهون فوقها لما يستوا
وصحة وهنا وبتمنى اطباقي تكون عجبتكون

والان خلصت وبتمنى ينال اعجاب الجميع
والحلويات راح تلاقهون هناك بس بكرة لان صحيو الزوز هههههههه
ادعولي الله يهدي ولادي ويشفيهون لي
وبحبكم في الله جميعا كل منتدى لك

ما شاء الله يا جنووووووووو دائما كعادتك متالقة
تسلم الايادي يااااااااااااااااا رب
والحمد الله اني كنت اول رد يعني الاطباق من نصيبي
يا عيني ع الكسكسي من تحت يدياتك يا قمر


الله لا يحرمني منك ياااااااااااااااااااااا رب




بناااااااااااااااااات ما حد يقرررررررررررررررررب هون ههههههههههههههه


وهاي القطعة لام هباش ههههههه

هلااااااااااااااااا بالغالية الله يسلمك ياوردة وهاد زو زوقك حبيتي
صحةوهنا على قلبك يارب
مشكورة وردة

وصفات جميلة...كلها تسلم ايدك

مممممممممممممممممم
ما شاء الله شو هالكلان الطيبة هي فتحتي نفسي عالاكل (ايمتا كانت نفسي مسدودة)هههههههههههههههههه ما علينااااااااا

يسلموا ايديكي حبيبة قلبي بوسيلي الصغار

اشكرك على هذة الصور وشكلك مرة طبخاة ماشاء الله
وشكلها وووووووايد حلوة وتراك جوعتيني يم يم يم
شكرا يا جنة الطيور [

تسلم اديكي الحلوة يا رب
وصحتن وهنا على قلب الجميع
وينك مو مبينة ؟ما عم شوفك عالمسنجر بنووب
ابقي طمنيني عنك وعن الأمامير
الله يخليهن ويحميهن ويقويكي يا رب

ماااااااا شاء الله
جنجوووووووووووووووووووووون شو هاد
الله لا يحرمنا من يدياتك خيتو
اكيد راح افرحك واطبق شي طبق من اطباقك قريب باذن الله

ماشاء الله عنك عنجد شي بشهي كتير وموضوع متعوب عليه وكلو من أطيبو يسلم دياتك يارب..كباب الباذنجان نفسي كتير اجربو وان شالله عن قريب..واهم شي اني لقيت طريقة لازانيا مضمونة لانو عملتا مرة وماعجبتني بالمرة والمرة الجاية بدي اعملها على طريقتك..مرة تانية شكرا كتير الك ..بوركتِ..والله يخليلك ولاد ويشفيهن يارب..

جنوووووووووووووووووووووووووووو
يسلموا الايادي يا عسل
شي بيشهي
اشتقنالك