اهلا اخواتى جايبالكم النهارده اكله انا عن نفسى بحبها جدا جدا فراخ محشية بالفريك ودائما اقدم بجانبها شوربة الفريك وطبق الملوخيه الخضراء
فرختين صغيريين الواحد من 500 إلى 600 جرام مش اكتر من كده
2 كوب كبير فريك مغسول كويس ومصفى
كبد وقوانص فراخ مغسوله كويس جدا ومقطعة قطع صغيره
بصله كبيرة - ثوم - قطعة جنزبيل طازجه
بهارات مشكله مرقة دجاج ( عفوا نسيت اصورهم)
بجانب بهارتى الخاصة بطحانهم واللى صورتهم فى الطبق عباره عن
حبهان- ورق لورا- قرنفل- نعناع ناشف - بردقوش-
ودايما بستعمل الخلطة دى مع اى حاجة فيها زفاره زى الفراخ واللحم وكده
نبدا نشوح البصلة فى قطعة زبده او سمن زى كده
نضيف الجنزبيل والثوم المطحون ونقلب شويه
بعدين نحط الكبد والقوانص المقطعين ونقلب شويه
بعدين نضيف الفريك ونقلب الخليط كله
نضع كوب ماء ومكعب المرقة الدجاج نتذوقه اولا بعد زوبان المكعب ثم نرى ان كان بحاجة الى ملح ام لا ونترك الخليط يتشرب
بعد الخليط ما هيتشرب المياه الفريك هيكون نص نضوج نبدا نحشى الفراخ
بعدها نجيب معلقتين كبار مسترده او الخردل كما يقال انا هنا كان عندى اخر حبه فاستعملت البرطمان على طول وضعت فيه معلقة لومى مطحون ودهنت بيه الفراخ من الخارج
بعد كده وضعتهم فى الكيس الحرارى وثقبته من اعلى حتى لا ينفجر
وتركتههم فى فرن متوسط لمدة ساعة تقريبا
وفى اثناء نضوج الفراخ فى الفرن وضعت باقى خلطة الفريك فى 3 اكواب من شوربه الدجاج وتركتهم يغلو على النار لأستكمال نضج الفريك لتكون شربه الفريك الرائعة
بعدها طبعا عملت طبق الملوخية الخضراء
وده شكل الفراخ منهم واحده انفجرت هههههه والدسم ده نازل من الفراخ بدون ما اضيف اى شى
وده شكل السفره كلهاوعفوا اولادى وزوجى لم يتركو لى اى فرصة للتنسيق او للتصوير من جمال الريحة
فراخ محشية بالفريك بالخطوات مع شوربه الفريك والملوخيه من مطبخى وبالصور كمان...
رد مع الاستدلال
[
كتبت بواسطة طيور المهاجرة
الروابط المفضلة