الارز بالكاجو :
المقادير : كاجو - فسدق- زبيب - قرفه - حبهان - قرنفل- كارى - بصله مبشوره - كبد (اختيارى) - كوبايتين ارز

الطريقه :

1- نضع الكاجو مع الزيت على النار لمده دقيقه وننزل عليه الفسدق والمسمار والقرفه واالحبهان ونقلب

2- نضع البصل لحد مايدبل وبعدين نحط عليه الزبيب و بودره الكارى

3- نقلب شويه وبعدين ننزل الكبد ونقلب لمده دقيقتين تلاته

4- ننزل الارز

5- ننزل مايه وملح ونسيبها تستوى زى اى رز عادى

6- يقدم وبسسسسس

ارجو عدم الرد حتى اكتمال الموضوع

الطبق الثالث::

طبق سهل ولذيذ جدااااااااا

الدجاج على طريقتى ::

اولا الدجاج هنا دجاجه كانت مسلوقه وحمرناها على النار بس دى كانت امبارح وعشان ناكلها انهارده فا عملتلها الخلطه دى وحولتها من دجاج محمر لدجاج مشوى

بكل بساطه صدر فرخه وجيبت كمعلقتين زبادى مع شويه كارى وشويه توابل وعصير نص ليمونه ونقعتها فيها بتاع ساعتين
واخدتها بعد كدا على الشوزايه يا دوب الخلطه نشفت من عليها وسخنت وبقيت فراخ مشويه ايه رأيكم بقى

اختراع مذهل مش كدا هههههههههههههههه

الصور اهى

وبردو ارجو عدم الرد حتى اكتمال المووضوع

ارجو بردو عدم الرد لغايه لما اخلص عشان حيلى اتهد واللى هيرد هتبقى ليلته شبه الكبده كدا

الطبق الثانى المركونه بصوص الليمون (أسيرة حنانه)


















ملحوظه:: اللى بيلمع فى الطبق دا مش زيت ... دى الجبنه رومى ساحت


ارجو عدم الرد ليكتمل الموضوع

الطبق الثالث:

مكرونه باللحم المفروم

اولا المكونات :

مكرونه مسلوقه - بصله مفرومه - لحمه مفرومه - قرن فلفل احمر مقطع (اختيارى) - طماطم مبشوره انا عملت 4 طامطمايات - طبعا بهارات ملح وفلفل وبهارات و كمان مكعب ماجى






الاول هنحط البصله على النار


نسيبها لغايه لما يبدأ لونه يصفر وننزل عليها الفلفل الاحمر


ننزل عليها الطماطم
نقلب ونسيبها تتسبك


عقبال ما تتسبك نكون عصجنا اللحمه المفرومه
طريقتها:: هناخد بصله ونسيبها تتحمر شويه

ننزل عليها اللحمه المفرومه ونقلب واحنا بنقلبها نحاول نفتت حتت اللحمه الكبيره




نزود عليها المايه ونسيبها تتعصج


وننزل عليها مكعب ماجى

لما تتعصج نحطها على المكرونه ونحط ربع كوبايه مايه ونسيبها تتسبك معاها

معلش الخطوه دى مش مصوره
ننزل عليهم المكرونه

ونقدمها بالعافيه عليكم




ارجو عدم الرد حتى اكتمال الموضوع

الارز المكسيكى
1- 2 ك ارز
2- 3 ونص ك ماء
3- زيت زيتون ( ممكن زيت عادى)
4- بصله مقطعه شرايح
5- 1 طماطم مقطعه صغير
6- فلفله حمرا (حسب الرغبه)
7- 1/2 ك صلصه طماطم
8- م ص كمون
9 -ملح (حسب الرغبه )
10- ثوم
11- شرحتين فراخ بانيه ( اختيارى )
الطريقه بقى::

1- ضعى الزيت + الارز ويحمر الى ان يصبح لونها ذهبى
2- ضيفى الثوم وحركيه لمده دقيقه
3- ضيفى باقى المقادير وغطيه ووطى عليه النار خااالص وسيبيه يستوى هياخد معاكى 45 دقيقه بالظبط

وبسسس

ودى صوره الطبق وانا زينته بشرايح الليمون
وبألف هنا

وبس


يا جماعه دا مجهودى انا والله ما منقول ولا شيئ وكل المقادير والفكره من ابداعى


وانتظرونى فى مجموعه جديده


واللى تعجبها اطباقى تدعيلى ان ربنا يرزقنى بالذريه الصالحه عاجل غير اجل يارب

ماشاء الله اطباق رائعه وكلها احلى من بعض
تسلم ايدك
وفى انتظار المزيد

قفشتك بتعملي ايه هنا يا اروبه


علىالعموم اهلا بيكي وملاحظاتى اكيد وصلتك ويارب خير ان شاء الله
وابقي سلميلي على كوبايه المايه

تسلمى يا يحيى
ماشى يا ست يميم مسيرى بردو هقفشك

ههههههههههههههههههههههه

متخافيش هغير اسمى هنا كمان قريب جدااااااااا

لا تقلق لا تقلق

بسم الله ما شاء الله روعة

تسلم الايادي المبدعة والعقول المفكرة
ما شاء الله عليكي ابدعتي كل شئ رااااااااااااااااااااااااااااااااااااائع
حلوة اوي فكرة الكوباية وصوص ااشيكولاتة