السلام عليكم ورحمة الله وبركاته
المحاشي
من الأكلات المحببة والمفضلة عند الكثيرين وعندي شخصيا 
المكونات لعدد كبير ممكن نقسمها أو نزيد عليها على حسب الحاجة
المكوناات:3 كيلوكوسا ,1كيلوباذنجان أسود وأبيض , 2حبة فلفل أخضر حلو ,فلفل حار حسب الرغبة
نحفر الكوسا ونضع اللب الاسطواني اللي هي أول ما بنحفر الكوسا نضعها على جنب ليتم اضافتها للحشوة واللب اللي طلع من حفر الكوسا كلها نحتفظ فيه ليتم طبخه فيما بعد
نصف كيلو لحمة مفروم ناعم (تلتين لحمة وتلت لية مفرومة)
نصف كيلو رز صنوايت منقوع ومغسل بشكل جيد
نصف م.ص كمون ناعم
2م.ص نعنعة يابسة
ربع م.ص فلفل أسود
ربع م.ص بهارات حلوة
2م.ص عصفر
6 أسنان ثوم مهروس
ملح ونقطع لب الكوسا اللي تركنا على جنب ونضيفه للحشوة
المرقة
ماء ,مية بندورة ,200 غ تمر هندي ملح
نضع البهارات المشكلة مع التوم والملح مع الماء ونقوم بعملية تحنيك الكوسا
وهي موضحة بالصورة نضع الخضار المحفورة بالماء والبهارات وندخل الماء عليها ونضعها لتصفي من جديد
ثم نضع اللحمة والرز بقلب خليط التحنيك ونضيف الماء اذا لزم حتى يصير من مستوى الرز
نضبط الملح ونحشي الخضار مع مراعاة عدم ضغط الرز نحشيها ونترك تقريبا من 1 الى 2 سم تقريبا حسب حجم الكوسا
نقوم بسد المحاشي بقطع من البطاطا او الفليفلة حتى ما يطلع الرز
نضع التمر الهندي مع الماء قبل ليلة أو نسخنه قليلا على النار ومن ثم نعصره ونستفيد من كل الحمض نضعه على النار ونضيف مية البندورة والملح ونتركها حتى تغلي ثم نضيف المحاشي
ملااحظة مهمة اتأكدو من جرة الغاز انو تكون معباية جديد والغاز لااازم يكون قوي تحت الكوسا
ملاحظة أحيانا ممكن ينقص حشوة فممكن نعمل حشوة مكوناتها ما يلي
بندورة مقطعة ناعم ,برغل ,القليل من السمنة والملح
ونحشي فيها
الآن لب الكوسا أغلب العالم بتحفر الكوسا وبترمي اللب من غير ما تعرف انو لب الكوسا أو نقارة الكوسا من أطيب المتبلات
طريقتي سهلة وبسيطة
نضيف الى لب الكوسا الملح والتوم المهروس وزيت الزيتون البلدي ونتركه على نار هادئة
ونقلبه من حين لآخر حتى ينشف الماء ويبقى الزيت بالقاع
يقدم مع رشة نعنعة يابسة وكمون ناعم
وصحتين وهنا يا رب
أخيراً
لاتنسوا أهالينا في غزة فهم بأمس الحاجة إلى دعائكم
ودمتم في حفظ الرحمن
*طبق متميز*محاشـي مشـكلة متنوعة من مطبخـي حيااكـم
رد مع الاستدلال
[
الروابط المفضلة