*طبق متميز*رول الدجاج المحشى بالمكسرات و الخضار من مطبخى
السلام عليكم يا بنوتات لكى ايوه بنوتات
انهارده هنشوف رول الدجاج المحشى
رول الدجاج بالمكسرات و الخضار
انا شوفت طريقته فى التليفزيون و عدلت فيها شويه عشان تناسب ذوقنا
المقادير
صدور دجاج قطعه واحده على حسب اعداد الأسره
بسله و جزر مقطع و جبنه شيدراو موتزاريلا او رومى
وملح و فلفل و بصل مبشور
قراصيا مخليه من البذور
شويه عصير برتقال فريش
الطريقه
نجهز الحشوه نشوح البصل وعليه البسله ونقلب و نضيف الجبنه على الحشوه داخل الفراخ
للتزيين(عصير البرتقال مع القراصيا على النار لحد اما يتقلوا طبعا القراصيا مقطعه و لما تتقل نطفى عليها و نجمل بيها الفراخ)
عايزه نركز شويه
ادى الصدر نقسمه اتنين
ده جزء من الجزئين يتقطع و يتفرد
نحضر رول البلاستيك
نفرد الدجاج على البلاستيك ونكون جهزنا الحشوه و نحشى بها كل جزء لوحده
نلف الرول بالبلاستيك ونضغط عليه و نقفله من كل الجوانب كويس
ودول الجزئين بعد اللف
ونضعهم فى الفويل ونحكم الأغلاق ونضعهم فى ماء ماء مغلى من 12 الى 15 دقيقه
ودى النتيجه بعد الطلوع من الماء
نضعهم فى صينيه الفرن و شويه زبده على الوجه
نضعهم فى طبق التقديم
نضع حشوه التزيين
وتقدم بالف هنا وشفا و تقطع شرائح
roina
رد مع الاستدلال
كتبت بواسطة أم شادى
الروابط المفضلة