*طبق متميز*دجاج بالفرن بالصوص الشهي والزيتون من ايدين بابا الغالي من مطبخنا بالصور
السلام عليكم ورحمة الله وبركاته
مرحبا لكل البنوتات
بعد ما نزلت موضوع بقسم المقبلات لست الحبايب
حبيت عطر مواضيعي بوصفة لبابا الغالي الله يخليه ويطول عمره
طبعا الوصفة له والتطبيق له كمان
يعني حقوق الطبع والنشر محفوظة
ندخل بالجد يا سادة يا كرام
الكمية كانت لخمسة اشخاص
- 10 قطع جاج صدور او افخاد على حسب الرغبة
- توم مدقوق حوال 3 اسنان
- بصل مقطع حلقات
- حبات زيتون
- بطاطا مقشرة ومقطعة حلقات
- ربع كوب زيت عافية + ملعقتين سمنة
الصوص :
2 ملعقة دبس فليفلة
4 ملاعق دبس بندورة
شطة
حبوب هال
بهار
بهارات شيش طاووق
اوريغانو
صويا صوص
جوزة الطيب
ملح
شوية ماء
ملاحظة : الصوص لازم تكون سميكة لانه الجاج رح يرخي ماء كمان
نعمل شقوق او ثقوب عميقة بقطع الجاج ونحشي الثقوب
بالتوم المدقوق
وبعدين بنصف الجاج بالصينية وبنحط معه حلقات البصل والبطاطا
والزيتون وبنسكب الصوص فوقه
ونبرش على الوجه جوزة الطيب وطبعا بنحط الزيت والسمنة
وبندخلها على الفرن
وهيدي شكل الصينية قبل ما تدخل الفرن
وهيدي صورتها لما طلعت من الفرن ويا عين شو كانت ريحتها بتشهي يمممم
يارب تكون عجبتكم والله يخلي بابا ويخلي ابائكم يارب
ويعينا على طاعتهم وبرهم
رد مع الاستدلال
[
كتبت بواسطة pearl1
الروابط المفضلة