السلام عليكم كيفكم وشو اخباركم
ان شاء الله تكون السنه الجديده كلها خير وبركه علينا وعليكم
من فتره اشتريت راس ملفوف وصارله عندي بالتلاجه شي 3 اسابيع وكل يوم بحكي اليوم بدي اعمله وبما اني ست بيت نشيطه كتير 
قررت اعمله امبارح وفق هيك اصوره وافرجيكم الطبق وطبعا كلنا عارفين انه اكلة الملفوف اكله شعبيه وشتويه بحته يعني مو طيبه كتيير بالصيف سبحان الله بالشتاء الها طعم اطيب ,,, هيك بيقولوا ......
خلينا نبلش
المقادير
- راس ملفوف متوسط الحجم
- 2 كأس رز مصري
- وقية لحمه مفرومه ناعم
- 8 فصوص ثومه حجم كبير
- نصف راس بصل صغير
- ملح + بهارات
- طبعا كلنا بنعرف طريقه تذبيل الملفوف وذلك بقص الملفوفه من النصف ووضع كل نصف منها في ماء يغلي وتركه قليلا حتى تخرج كل ورقه على حدا او اذا لم تخرج كل ورقه لحالها ممكن استخدام السكين في قص الورق
- تترك الاوراق حتى تذبل كامله
- تصفى من الماء وتترك جانبا حتى تبرد قليلا
- في هذا الوقت ننقع 2 كاس رز بماء دافىء ويترك مدة نصف ساعه
- بعد نقع الارز نضيف له اللحم المفروم ونفرم راس البصل ناعما ويضاف للارز
- يضاف له 2 فص من الثوم مدقوق ناعم ونضيف له الملح والبهارات
- نبدا بلف الملفوف بالطريقه المعتاده وترتيبه بقدر الطبخ ( طبعا ما صورت طريقة لف الملفوف لانه اي ست بيت بتعرفها )
- ناخذ فصوص الثوم المتبقيه ونقشرها ونقطعها قطعا طوليه
- عند صف اول طبقه من الملفوف نضع كميه من فصوص الثوم وبين كل طبقه واخرى نضع كميه قليله ..
- عند الانتهاء من كامل الورق وترتيبه بشكل جيد بالقدر نضيف للورق الملح ونرش قليل من الماجي ونغمره بالماء
- نضعه على نار عاليه مدة 5 دقائق ثم نخفف النار على اقل من متوسطه ويترك لحين استوائه ( انا بياخد معي على نار هاديه جدا شي ساعه وشوي )
- يقدم ساخنا مع اللبن
وطبعا هاي من الاطباق الشتويه البحنه ....
وصحتين وعافيه ...
*طبق متميز*محشي الملفوف او الكرنب من مطبخي وبالصور ...
رد مع الاستدلال
[
الروابط المفضلة