عندي عزومه ناويه اعمل فيها سمك وجمبري وكابوريا بس عايزه اعرف شوربه السي فود بتتعمل ازاي وهل هي بكريمه ولا لا وايه الكريمه دي الي هي بتاعه الحلويات طيب الاقي اسمها ايه في كارفور وعايزه افكاركوا لان الي عزماهم دول مراته طباااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااخه ماهره ساعدوني بافكاركوا وعايزه مقبلات سلطات اعمل ايه

عايزه تعملولي سفره اتشرف بيها ينوبكوا فيه ثواب

مستنيه ردودكوا واوعوا تزعلوني

اختنا الكريمة عن طريق البحث تقدرى توصلى لوصفة هذه الشربة لان الاخوات جزاهم الله كل الخير دائما يتحفونا بوصفات رائعة وبالذات هذه الشوربة موجودة لااكثرمن عضوة

انا قولت ارد عليكى بسرعة وهحاول اعمل بحث لو لقيت عنوان رابط سوف اضيفه اليكى

تقبلى مرورى

صباح الخير يا عسل
الله يعينك على عزومة السمك
والشوربة كارمن عملتها في رمضان وكانت تحفة وهيا على الرابط ده

.....**ملف بشورباتى وسلاطاتى ومقبلاتى اللى عملتها فى رمضان**......

ويخنة الكلماري هنا لذيذة جداً

₪طبق متميز₪تعالوا اوريكن يخنى الكاليمارى على طريقتى .... يم يم

وكمان شوفي سلطاتي في العيد على هذا الرابط

العيد فرحة ولمة حلوة ... مع احلى مشاوي وسلايط ... من مطبخ الاء

وانصحك تشوفي ملف المبدعة لبنان وحبايبه فيها سلطات حلوة

مجموعة كبيرة من السلطات بموضوع واحد!! هدية من لبنان و((بالصورة))((ملف متجدد))

وزي ما قالت امولة اعملي سيرش واكيد حتلقي اللي انتي عوزاه
وكل عزومة وانتي بالف خير

اللهم انصر اهل غزة وانزل عليهم السلام من عندك يا الله

يا سلام يا ريناد بتقولي أنك فاشلة و عاوزة تعملي سمك و جمبري و كابوريا و سي فوود كمان
شكلك كده طباخة جامدة بس عايزة تخزي العين
أنا بصراحة معملتش شوربة السي فوود قبل كده بس أعرف أنها بتتعمل بالكريمة
و بالنسبة للكريمة هتلاقيها في أي سوبر ماركت و أسمها كريمة للخفق و في منها جهينة كويسة
بالنسبة لي مع السمك أفضل سلطة هي الطحينة و السلطة الخضرة طبعاً و سلطة باذنجان
بالنسبة للمقبلات ممكن تعملي كفتة جمبري و هو عبارة عن جمبري مفروم مع ثوم مهروس و ملح و كمون و شطة و كسبرة مفرومة و بططساية مسلوقة و مهروسة و يتخلط كله مع بعضه و يتشكل كور و بعدين في دقيق و بعدين بيض و بقسماط و على التحمير
أكيد البنات هيفيدوكي أكتر مني و ممكن تعملي بحث و تلاقي اللي عاوزاه إن شاء الله
ومتنسيش تعزميني أنا كمان أصلاً بصراحة سيرة السمك فتحت نفسي

جزاكوا الله كل خير على ردودكوا

ان شاء الله اجرب الوصفات واقولكوا

ايه الكاليماري ده معلش سامحوني والبروكلي

الكليماري يا رنودة اللي هو السبيط
و البروكلي بيبقى شبه القرنيط كده بس لونه أخضر و ممكن تلاقيه في الهايبر ماركت الكبيرة أو السوبر ماركت أو عند محلات الخضار الكبيرة

ارجو منكي اختي ان تخلصي النية لله اولا

وان تستحضري نية اطعام الطعام امتثالا لامر الرسول

وطاعة الزوج لانه هو الذي امركي بهذه العزومة

وهتلاقي الاكل بتاعك تمام ومافيش احلي منه

بارك الله فيكي

كتبت بواسطة lollypopy79

الكليماري يا رنودة اللي هو السبيط
و البروكلي بيبقى شبه القرنيط كده بس لونه أخضر و ممكن تلاقيه في الهايبر ماركت الكبيرة أو السوبر ماركت أو عند محلات الخضار الكبيرة

شكرا ا حبيبتي على ردك دايما مشجعاني

كتبت بواسطة ام رفيدة وجويري

ارجو منكي اختي ان تخلصي النية لله اولا

وان تستحضري نية اطعام الطعام امتثالا لامر الرسول

وطاعة الزوج لانه هو الذي امركي بهذه العزومة

وهتلاقي الاكل بتاعك تمام ومافيش احلي منه

بارك الله فيكي

جزاك الله كل خير على احلى كلام الله يباركلك ويجعله في ميزان حسناتك