مرحبا صبايا
هذه الأكلة من المفضلات عند زوجي.. كان متعود ياكلها من ايدين أمه الله يخليها لنا وأخذت طريقتها منها وصارت من المفضلات عندي لأنها أسهل شي ولا بدها أي غلبة ولا وقت ولا تعب.. يعني الصراحة مابدها شطارة
المقادير:
نصف كيلو لحم مفروم ناعم
2 حبة بصل مفروم ناعم
كيلو بندورة حمراء مغسولة ومقشرة ومقطعة صغير. (صراحة أنا أعملها بدون تقشير.. زيادة كسل)
ملح وبهارات اللحم حسب ما تحبوا (أنا أحط قرفة_فلفل أسمر_زنجبيل مطحون_هيل مطحون_ بهار مشكل)
الطريقة:
1. نذبل البصلة على النار قليلا وقبل أن تحمر نضيف اللحم ونقلبه حتى يبدأ يتغير لونه وينضج ونضيف الملح والبهارات.
2. نضيف الطماطم المقطعة ونقلبهم سوا ونتركهم على نار هادية ثلث ساعة حتى يتسبك.
3. إذا كانت البندورة مش حمراء ممكن نضيف ملعقتين صلصة طماطم. ولا داعي لإضافة أي ماء لأن ماء البندورة سينزل لوحده.
قدمت جنبها صحن خضرة وزيتون وعصير ليمون مثلج
وهذا أحلى طبق لعيونكم
وسلامة تسلمكم.. مش قلتلكم مافي أسرع ولا أسهل من هيك
الروابط المفضلة