تعالي وشوفي ايش صووووووووووورت؟ بوفية روووووووووعة!!
السلام عليكم ورحمة الله وبركاته
كيفكن ياغاليات؟
بداية اشكر صاحبتي الغالية وشبيهتي
فوفيتاااااا فرولاية جدة البعيدة القرييييييييييييييبة
لانها اليوووووووم علمتني كيف انزل صوووووووور
شكرا ياشبيهتي
اليوم حاوريكم صور بوفية عزيمة كانت فبيتنا
سوتها ستو ربي يحفظها ويخليها لناااااا
لنايف ولد خالي عبدالكريم
بمناسبة سعيدة جدا
وحبيبة الى قلوبنا جميعا
وهي ظهور اول سن له
هههههههههههههه
وهذة الحفلة نسميها نام نام طلع سنونة من قدام
ولها انشودة خاصة
وساشرح لكم طريقة الحفلة
نجيب النونو المسنون اي الذي طلع له اول سن
ونحطة في الوسط
وحولة جمييييييييييييييع اطفال العائلة
واحنا الكبار نكون واقفين حولهم وماسكين شرشف
كانه مظلة عليهم
وفي وسط الشرشف
مايلي:
1/ فستق
2/بندق
3/لوز
4/حلويات صغيرة
واهممممممم شي
يوضع مبلغ معين ستو حطت 100 ريال مفرقة كل ريال لوحدة
المهمممممممممم
ونبدا نحرك الشرشف ونحنا ننشد
نام نااااااااااام
طلع سنونة من قدااااااااااام
سنة ذهب وسنة عظاااااااااااااام
وبعد اكثر من مره نعيد النشيد نرمي الحلويات والفلوس والمكسرات على راس الاطفال وهما يقومو بجمع ماتفرق من اشياء
طبعا هناك اطفال مدمغين
يعني هبلللللل
يجمعو حلويات ويسيبو الفلوس
زي مجد هاااااااان
هذا وانا محفظتها قبلها بشهر
يوم حفلة نايف اجمعي فلوس موحلويات
وهيا حااااااااااااااضر يا خالة
بعدين وقت الجد
ماشفناش حاجة ههههههههههه
وامثال مجد كثير
مثلا اسيل5سنوات
عبدالوهاب4سنوات
ماريا3سنوات
وكل ماقل عمره كان مسررررررررررح بقوة
على فكرة انا طلعت لي بريااااااااال وااااااااااحد لاغير هههههههههه
المهم
كاني خرجت من الموضوع
طبعا العادة عندنا
انه جدة الطفل لابوه تسوي هذي الاحتفاليات
المهم
ستو الله يسعدها
سوت لنا البوفيه ماشاءالله عليها
جميييييييييييييع الاصناف من عمل يدها الحبيبة
طبعا مح اقولكم على الطعم لانه شهادتي فيها مجروحة
حابدا بذكر الاصناف المشهية
اللهم اني صائم
ورق عنب
عيش باللحم
مكرونة بالباشميل
مكرونة بالجمبري والكريمة(نسيت اصورها)
سمك بالكريمة(نسيت اصورها)
مصقعة ملفوفة(نسيت اصورها)
سمبوسة لحم وجبن ابيض واصفر (جاهز)
بيتزا
جمبري مقلي
تبولة(احنا سويناها)
سلطة حارة
طبعا لازم الخروووووووووووف مندي
وهذي الصور
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 2592x1944 الابعاد 418KB.
هذي يد تسنيم بنت خالتي هههههههههه
وخالتي الحبيبة لبنى
كالعادة ماشاءالله عليها متعدة الحلى
ومتفنننننننننننة في الحلى
وماشاءالله عليهااا نحييييييييييييفة
يارب ياخالتي متى ارجع نحيفة
طبعا خالة لبنى مشكلتها الوحيدة
انها ماتكرر اي حلى سوتة مهما كان طعممممممممممم
يعني تسوي الشي مره وحدة
وبعدكده تنساه وتسوي حلى جديد اطعممممممم منه
وهذي الصور لبوفية الحلى
وارجوووووووووووكم
اصعب سؤال
الطريقة
اذا تبغو طريقة اي شي مالح ماااااااشااااااااءالله ستو ماتنسى
لكن حلىى ى ى ى ى ى ى
خالتي اكيييييييييييييد نسيت
الحمد لله كان يوم حلووووو
كان يوم الاربعاء اول يوم في الاجازة
استمتعنا كثييييييييييرا
شكرا لقرائتكم
حيية
رد مع الاستدلال
الروابط المفضلة